Žalmi 119:39 - Le Devleskero Lav Andre Romaňi Čhib Slovensko 2021

³⁹ Le mandar e ladž, savatar man darav, bo tire zakoni hine lačhe.

Žalmi 119:39 Referans Kwoze

Titoske 2:8

Oda, so len sikaves, mi en čače lava, pre save ňiko našťi ňič phenela, hoj pes te ladžan ola, ko pre tumende džan, bo na ela len pre tumende so te phenel.

1. Timoteoske 3:7

Ale mušinel pal leste te džal o lačho hiros the le manušendar, save na pačan, hoj te na perel andre ladž aňi le bengeske andre pasca.

Žalmi 119:22

Ma domuk, hoj mange te keren ladž a te dikhen man tele, bo me man ľikerav tire prikazendar.

Zjaveňje 19:2

Bo lačhe the čačipnaskre hin leskre sudi, bo odsudzinďa ola bara lubňa, savi musarelas e phuv peskre lubipnaha a pomsťinďa pes lake vaš o rat peskre služobňikengro.“

Rimanenge 2:2

Amen džanas, hoj o Del sudzinel čačipnaha ole manušen, save keren kajse veci.

Žalmi 57:3

Ko Del vičinav, ko Nekbareder, ko Del, savo man zaačhel.

Žalmi 39:8

Avke akana, pre soste užarava, RAJEJA? Mukav man pre tu,

1. Timoteoske 5:14

Vašoda kamav, hoj o terneder vdovi te džan romeste, te avel len čhave a te starinen pes pal peskre khera, bo oleha na domukena olenge, ko pre amende džan, hoj pal amende te vakeren namištes.

Izajaš 26:8

He, RAJEJA, phiras pal o drom tire zakonengro, pre tu užaras; te lašarel tiro nav a te leperel peske pre tu hin oda, so amaro jilo kamel.

Žalmi 119:131

Phundrade mujeha užarav, bo som igen smedno pal tire prikazaňja.

Žalmi 119:123

O jakha mange slabisaľon olestar, so ajci užarav pre tiro spaseňje the pre tiro čačipnaskro vakeriben.

Žalmi 119:75

Džanav, RAJEJA, hoj tire sudi hine spravodľiva, potrestinďal man, bo sal verno.

Žalmi 119:43

Ma le mange šoha o čačipen andral miro muj, bo me man mukav pre tire spravodľiva sudi,

Žalmi 119:31

Ľikerav man tire prikazaňjendar, RAJEJA; ma domuk, hoj man te ladžav!

Žalmi 119:20

Mira duša igen cirdel te prindžarel furt tire sudi.

Žalmi 19:9

Le RAJESKRE prikazi hine čače, pherdžaren o jilo radišagoha. Le RAJESKRO prikazaňje hino žužo, le jakhenge del o švetlos.

2. Samueloskro 12:14

Ale oleha, so kerďal, dikhľal tele le RAJES, a vašoda o čhavoro, so tuke uľola, mušinel te merel.“

5. Mojžišoskro 4:8

Hin varesave bare narodos ajse spravodľiva prikazi the predpisi, sar hin andre kada calo zakonos, so tumenge adadžives me dav?

Prislovja 25:10

bo sar pes pal oda aver džene došunena džala pal tu o nalačho hiros a ela tuke ladž.