Žalmi 119:29 - Le Devleskero Lav Andre Romaňi Čhib Slovensko 2021

²⁹ Visar man het le klamišagoskre dromestar! Av ke ma jileskro a de man tiro zakonos!

Žalmi 119:29 Referans Kwoze

1. Jan 2:4

Oda, ko phenel: „Prindžarav les,“ ale na doľikerel leskre lava, hino klamaris a nane andre leste o čačipen.

1. Jan 1:8

Te phenas, hoj amen nane bini, korkore pes klaminas a nane andre amende o čačipen.

Prislovja 30:8

Le mandar o klamišagos the o načačipen! Ma de man o čoripen aňi o barvaľipen! De man ajci maro, keci mange kampel,

Žalmi 119:37

Visar mire jakha, hoj te na dikhen pro zbitočna veci! Obdžiďar man pre tiro drom!

Zjaveňje 22:15

Ale avri ačhena o rikone, o čaroďejňika, o lubara, o vrahi, o modlara a the sako, ko rado dikhel o klamišagos a klaminel.

Jonaš 2:8

Sar andre mande miri duša merelas, akor man zagondoľinďom pre tu, RAJEJA, a miri modľitba avľa dži ke tiro sveto Chramos.

Jeremijaš 16:19

Akor me phenďom: „O RAJ hin miri zor the miro hrados, oda than, kaj man garuvav andre oda džives, sar mange hin phares! Ke tute avena o narodi, avena pal o agora le phuvakre a phenena: ‚Amare dada na zďeďinde ňič, ča le falošne devlen; le chocsave modlen, so lenge na sas lačhe pre ňisoste.‘

Izajaš 44:20

Ajso manuš pes čaľarel le prachoha andral o bov, leskro jilo les klaminel a odcirdel, našťi pes zachraňinel aňi phenel: „Odi modla, so chudav andre miro čačo vast hin falošno del!“

Žalmi 119:163

Našťi avri ačhav o klamišagos, džungľol mange, ale tiro zakonos kamav.

Žalmi 119:104

Tire zakonendar dochudav o goďaveripen, vašoda našťi avri ačhav dojekh falošno chodňikos.

Žalmi 119:5

Joj, te uľomas zoralo pre miro drom, hoj te kerav oda, so phenes.

Žalmi 119:128

a savore tire prikazi ľikerav sar lačhe, vašoda našťi avri ačhav dojekh nalačho chodňikos.