Žalmi 119:173 - Le Devleskero Lav Andre Romaňi Čhib Slovensko 2021

¹⁷³ De, hoj mange te pomožinel tiro vast, bo kidňom mange avri tire prikazi.

Žalmi 119:173 Referans Kwoze

Jozua 24:22

O Jozua lenge phenďa: „Tumen korkore san tumenge švedki, hoj tumenge kidňan avri le RAJES, hoj leske te služinen.“ „He! Amen sam švedki,“ odphende.

Лукастар 10:42

Ale ča jekh kampel. E Maria peske kidňa avri oda, so hin feder, a oda latar ňiko na lela.“

5. Mojžišoskro 30:19

Adadžives mange vičinav o ňebos the e phuv sar švedken, hoj tumenge diňom te kidel peske avri, so kamen: o dživipen abo o meriben; o požehnaňje abo o prekošiben. Vašoda tumenge kiden avri o dživipen, hoj tumen the tumare potomki te dživen.

Filipanenge 4:13

Savoro birinav andro Kristus, bo ov man del zor.

2. Korinťanenge 12:9

Ale ov mange odphenďa: „Dos tuke hin miri milosť, bo miri zor pes presikavel andro slabišagos.“ Vašoda man nekradeder lašarav mire slabišagenca, hoj te bešel andre mande e zor le Kristoskri.

Marek 9:24

Ole čhaveskro dad takoj zvičinďa: „Pačav, Rajeja! Pomožin mange, hoj feder te pačav!“

Prislovja 1:29

vašoda, bo našťi avri ačhenas o prindžaripen, a na sas tumen e sveto dar anglo Raj,

Žalmi 119:117

Podhazde man a avava zachraňimen a me furt pozorinava tire prikazi.

Žalmi 119:111

Tire sikavibena hine miro ďeďictvos pro furt, bo miro jilo lendar radisaľol.

Žalmi 119:94

Me som tiro, zachraňin man, bo igen kamav te dživel pal tire prikazi.

Žalmi 119:40

Igen man cirdav pal tire prikazi! Obdžiďar man tire spravodľišagoha.

Žalmi 119:35

Ľidža man pal o chodňikos tire prikazaňjengro, bo andre oda man hin o radišagos.

Žalmi 119:30

Kidňom mange avri o pačivalo drom, iľom mange andro jilo tire sudi.

Žalmi 37:24

Te leske poddžala o pindre, na perela, bo o RAJ les chudel vastestar.

Jozua 24:15

Ale te tumenge nane pre dzeka te služinel le RAJESKE, kiden tumenge adadžives avri, kaske kamen te služinel, či le devlenge, savenge služinenas tumare dada pal o paňi Eufrat, abo le devlenge andral e phuv le Amorejčanengri, andre savi bešen. Ale me the miro kher služinaha le RAJESKE.“

1. Kronicko 4:10

Andre jekh džives o Jabec vičinelas pro Del le Izraeloskro: „Mangav tut, igen man požehňin a de man bareder phuv. Ľidža man tire vasteha a chraňin man savore nalačhipnastar, hoj man te na avel dukh.“ A o Del les diňa savoro, so lestar mangľa.