Žalmi 119:162 - Le Devleskero Lav Andre Romaňi Čhib Slovensko 2021

¹⁶² Tire lavestar radisaľuvav avke sar oda, ko arakhel baro barvaľipen.

Žalmi 119:162 Referans Kwoze

Jeremijaš 15:16

Furt, sar ke ma avenas tire lava, chavas len; tire lava mange anen o radišagos a miro jilo lendar radisaľol, se me man vičinav pal tiro nav, RAJEJA, Nekzoraleder Devla.

Žalmi 119:72

O zakonos andral tiro muj mange hin vzacneder sar ezera somnakune the rupune love.

Žalmi 119:111

Tire sikavibena hine miro ďeďictvos pro furt, bo miro jilo lendar radisaľol.

1. Samueloskro 30:16

Avke les ľigenďa ode. Sar avle ode, o Amaleka sas rozčhide pal calo oda than. Chanas, pijenas a mulatinenas, bo peske zaile but veci andral e filišťiňiko the andral e judsko phuv.

Izajaš 9:3

Bo phagľal o jarmos, so len banďarelas, e paca, so len marelas pal o dumo, the o prutos olengro, ko len trapinenas, avke sar oda kerďal andre oda džives, sar domarďal le Midijanen.

Prislovja 16:19

Feder hin te el pokorno a te avel le čorenca, sar peske te rozďelinel le barikanenca oda, so ande andral o mariben.

Žalmi 119:14

Radisaľuvav tire prikazaňjendar avke sar le bare barvaľipnastar.