Žalmi 119:140 - Le Devleskero Lav Andre Romaňi Čhib Slovensko 2021

¹⁴⁰ Tire lava hine mištes prežužarde, vašoda len tiro služobňikos kamel.

Žalmi 119:140 Referans Kwoze

Prislovja 30:5

Dojekh lav le Devleskro hino čačo, hino šťitos savorenge, ko ke leste denašen.

Žalmi 19:8

Le RAJESKRO zakonos hino dokonalo, del amen nevi zor. Pre le RAJESKRE lava pes šaj te mukel; olestar, ko na achaľol, keren goďaver.

Žalmi 12:6

Ale o RAJ phenel: „Akana vaš oda, hoj o slaba cerpinen a o čore roven dukhatar, uščava a zachraňinava olen, ko peske oda igen mangen.“

2. Peter 1:21

Bo o proroctvos šoha na avľa andral e voľa le manušeskri, ale o manuša ľigende le Svete Duchoha vakerenas o lava, so avenas le Devlestar.

Rimanenge 7:22

Bo andre miro andruno manuš dav radišagoha čačipen le Devleskre zakonos.

Rimanenge 7:12

Avke o zakonos hino sveto the o prikazaňje hino sveto, spravodľivo a lačho.

1. Peter 2:2

Sar o čhavore, save mekča akana uľile, mangen tumenge o žužo duchovno thud, hoj lestar te baron a te aven zachraňimen,

Žalmi 119:128

a savore tire prikazi ľikerav sar lačhe, vašoda našťi avri ačhav dojekh nalačho chodňikos.

Žalmi 18:30

Tuha šaj džav the pre armada, mire Devleha prechučava the o muros.

Rimanenge 7:16

Ale te kerav oda, so na kamav, dav čačo le zakonos, hoj hino lačho.

Žalmi 12:7

Bo le RAJESKRE lava hine žuže; hine sar o rup eftavar prežužardo a prelabardo andro čikakro bov.

Žalmi 119:47

se tire prikazaňja mange anen o radišagos, bo man andre lende zakamľom.