Žalmi 119:13 - Le Devleskero Lav Andre Romaňi Čhib Slovensko 2021

¹³ Mire vuštenca vakerav avri savore prikazi, so tu phenďal.

Žalmi 119:13 Referans Kwoze

Žalmi 37:30

O muj le čače manušeskro vakerel o goďaveripen, leskri čhib vakerel o čačipen.

Žalmi 34:11

O terne ľevi šaj bokhaľon, bo nane len so te chal, ale olenge, ko roden le RAJES, na chibaľinela ňisavo lačhipen.

Skutki 4:20

Bo amen našťi preačhas te vakerel pal oda, so dikhľam the šunďam.“

Matuš 12:34

Tumen sapale, sar šaj vakeren lačhe veci, te tumen san nalačhe? Bo soha hin pherardo o jilo, oda o muj vakerel.

Žalmi 119:172

Mi giľavel miri čhib pal tiro lav, bo savore tire prikazaňja hine spravodľiva.

Žalmi 119:46

Pal tire sikavibena vakerava le kraľenge a na ladžava man,

Žalmi 118:17

Na merava, ale dživava a vakerava pal o skutki le RAJESKRE.

Matuš 10:27

Oda, so tumenge vakerav počoral, phenen avri phundradones a oda, so šunen ča andro kan, viskinen avri pal o padi!

5. Mojžišoskro 6:6

Kala lava, so tuke adadžives dav, ľikereha andre tiro jilo

5. Mojžišoskro 6:7

a sikaveha len tire čhaven; vakereha pal lende, sar bešeha andre tiro kher, sar džaha pro drom, sar džaha te pašľol the sar ušťeha.

Žalmi 18:22

Bo ľikeravas man pal o droma le RAJESKRE a na odvisarďom man mire Devlestar.

Prislovja 5:2

Avke tut džaneha mištes te ľikerel a le lavenca sikaveha, hoj tut hin o prindžaripen.