Žalmi 116:16 - Le Devleskero Lav Andre Romaňi Čhib Slovensko 2021

¹⁶ RAJEJA, som tiro služobňikos, avke sar tuke služinelas miri daj, the me avke tuke služinav; tu prečhinďal mire lanci.

Žalmi 116:16 Referans Kwoze

Žalmi 86:16

Visar tut ke ma a av ke ma jileskro; de tire služobňikos zor, zachraňin le čhas tira služobňičkakro!

Žalmi 143:12

Zňičin mire ňeprijaťeľen, bo tiro kamiben hino pačivalo ke ma; murdar savoren, ko man trapinen, bo me som tiro služobňikos.

Žalmi 119:125

Me som tiro služobňikos, de mange te achaľol, hoj te prindžarav tire prikazaňja.

Jakob 1:1

O Jakob, savo služinel le Devleske the le Rajeske le Ježišoske Kristoske, bičhavel pozdravi le dešuduje kmeňenge, save hine rozčhide pal calo svetos.

Rimanenge 6:22

Ale akana san slobodna le binostar a ačhiľan otroka le Devleskre. Kada tumen ľidžal andro posveťeňje a o koňec kaleskro hin o večno dživipen.

Skutki 27:23

Bo adi rat ačhiľa paš mande o aňjelos le Devleskro, kaskro som the saveske služinav,

O Evaňjelium le Janoskro 12:26

Te mange vareko služinel, mi phirel pal ma, a ode, kaj som me, ela the miro služobňikos. Miro Dad dela pačiv oles, ko mange služinel.

Izajaš 61:1

O Duchos le RAJESKRO, le Devleskro, hin upral mande, bo o RAJ man pomazinďa, hoj te vakerav o lačho hiros le čorenge; bičhaďa man te phandel o rani le dukhade jilenge, le zailenge te phenel, hoj hine slobodna, a le zaphandlen te premukel andral e bertena.

1. Kronicko 17:19

Ó, RAJEJA, tu prekal tiro služobňikos the pal tiro jilo kerďal kala bare veci a diňal oda te džanel mange.