Žalmi 109:15 - Le Devleskero Lav Andre Romaňi Čhib Slovensko 2021

¹⁵ Lengre bini mi en furt anglo jakha le RAJESKRE, mi mažinel avri lengro leperiben pal e phuv.

Žalmi 109:15 Referans Kwoze

Žalmi 34:16

Le RAJESKRE jakha dikhen pro spravodľiva manuša, leskre kana šunen lengro roviben.

Žalmi 90:8

Amare nalačhipena rozkeres anglal tu, amare garude bini andro švetlos tire mujeskro.

O Job 18:17

Pre phuv pes pre leste bisterela a ňiko peske pre leskro nav na leperela.

Žalmi 51:9

Žužar man andral o binos le izopoha a avava žužo, thov man a avava parneder sar jiv!

Amos 8:7

O RAJ, saveha pes lašaren o čhave le Jakoboskre, iľa pre peste vera: „Šoha na bisterava o nalačhipen, so kerďan!

Jeremijaš 2:22

Kajte lanďoha andro luhos a kereha pre tu but sapuňis, o flekos pal tiri vina ačhela furt anglal ma,“ phenel o RAJ, o Adonaj.

Izajaš 65:15

Tumaro nav lena mire avrikidle manuša sar košiben. Me, o RAJ, o Adonaj, tumen dava te murdarel, ale mire služobňiken dava aver nav.

Žalmi 109:13

Leskro potomstvos mi merel avri, lengre nava mi en avrikhosle imar andre dujto pokoleňje.

5. Mojžišoskro 32:34

O RAJ na bisterela, so o ňeprijaťeľa kerde; ov užarel pre peskro časos, hoj len te marel.

Hozeaš 7:2

Na len peske andre goďi, hoj me na bisterav pre lengro nalačhipen, ale lengre bini len avke obkľučinen, hoj hine furt angle mire jakha.

Žalmi 34:17

Ale le RAJESKRO muj džal pre ola, ko keren o nalačhipen, hoj te khosel tele lengro nav pal e phuv.