Žalmi 103:22 - Le Devleskero Lav Andre Romaňi Čhib Slovensko 2021

²² Lašar le RAJES, savoro, so hin stvorimen, lašar les pre savore thana, kaj vladňinel! Lašar le RAJES, dušo miri!

Žalmi 103:22 Referans Kwoze

Žalmi 145:10

RAJEJA, mi paľikerel tuke savoro tiro stvoreňje, mi lašaren tut tire pačivale manuša.

Izajaš 49:13

Radisaľuv, ňebona, thov baripen, phuvije, viskinen radišagostar, verchale, bo o RAJ poťešinela peskre manušen a ela leske pharo vaš ola, ko cerpinen.“

Žalmi 150:6

Savoro džido, so dichinel, mi lašarel le RAJES! Haleluja!

Izajaš 44:23

Giľaven radišagostar, tumen o ňebi, bo o RAJ oda kerďa. Giľaven radišagostar, tumen o hlbini la phuvakre, viskinen radišagoha, tumen o verchi, o veša the savore stromi andre lende! Bo o RAJ cinďa avri le Jakob a sikaďa peskri slava andro Izrael.

Izajaš 43:20

Lašarena man o džviri pre maľa, o šakali the o sovi, bo anav o paňi pre pušťa a dav te čuľal o paňa pre avrišuki phuv, hoj te pijen mire manuša, mire avrikidle manuša,

Žalmi 146:1

Haleluja! Lašar le RAJES, dušo miri!

Žalmi 104:35

Mi našľon o binošna pal e phuv a te na en imar o nalačhe manuša! Lašar le RAJES, dušo miri! Haleluja!

Žalmi 104:1

Lašar le RAJES, dušo miri! RAJEJA, Devla miro, igen sal baro! Urďal tut andro šukariben the andre slava.

Žalmi 103:1

Le Davidoskro žalmos. Lašar le RAJES, dušo miri! Savoro, so hin andre ma, lašar leskro sveto nav!

Žalmi 145:21

Mire vušta lašarena le RAJES a savoro stvoreňje mi bararel leskro sveto nav pro furt.

Žalmi 148:1

Haleluja! Lašaren le RAJES andral o ňebos, lašaren les upre andro chmari!