Žalmi 102:4 - Le Devleskero Lav Andre Romaňi Čhib Slovensko 2021

⁴ Se mire dživesa našľon sar thuv; o kokala mange labon sar angara.

Žalmi 102:4 Referans Kwoze

Izajaš 40:7

E čar šučol avri a lakri kvitka perel tele, sar pre late phurdel o dichos le RAJESKRO. Čačes, o manuša hine sar čar.

Žalmi 37:2

Bo šučona avri sig avke sar e čar; sar e zeleno rastlina kirňona.

Žalmi 77:3

Oda džives, sar mange hin phares, rodav le Rajes, caľi rat nacirdav mire vasta andre modľitba, ale miri duša pes na del te poťešinel.

Ezdraš 10:6

Paľis o Ezdraš ušťiľa upre pal oda than anglo Chramos a geľa andro kher le Jochananoskro, le Eljašiboskre dadeskro, hoj ode te presovel. Ov ode na chaľa chaben aňi na piľa paňi, bo leske sas pharo vaš o binos olengro, ko avle pale andral o Babilon.

Skutki 9:9

Trin džives sas koro a na chalas aňi na pijelas.

Roviben le Jeremijašiskro 3:20

Furt mange pre oda leperav a miri duša hiňi zmukľi tele.

Roviben le Jeremijašiskro 3:13

Predemaďa mange o jilo le šipenca andral peskro tulcos.

Žalmi 102:11

angle tiri bari choľi, bo tu man hazdľal a čhiďal het.

Žalmi 102:9

Calo džives mange mire ňeprijaťeľa keren ladž; ola, ko mandar asan, len miro nav paš o košiben.

Žalmi 69:20

Tu džanes, sar mange dophenen, sar mange keren ladž a asan mandar; tu prindžares savoren, ko pre ma džan.

Žalmi 42:6

Soske sal smutno, dušo miri? Soske tut trapines? Užar pro Del, bo mek les lašarava, mire Spasiťeľis, mire Devles.

O Job 33:20

a vašoda leske džungľol o maro a leskri duša na kamel aňi o nekfeder chabena.

O Job 10:1

„Mira dušake džungľol o dživipen. Dava mandar avri savoro, so man trapinel, andral o pharipen mira dušakro prevakerava.

O Job 6:4

Se hin andre ma o šipi le Nekzoraledereskre, miro duchos pijel lengro jedos; avle pre mande o strašna rani le Devleskre.

2. Samueloskro 12:17

Leskre phureder služobňika gele paš leste a kamenas les te hazdel pal e phuv, hoj te chal lenca, ale ov na kamelas te ušťel aňi te chal.

O Job 30:30

E cipa pre ma kaľiľa a džal mange tele; o kokala man labaren la horučkatar.