Žalmi 10:4 - Le Devleskero Lav Andre Romaňi Čhib Slovensko 2021

⁴ O nalačho le RAJES andre peskro baripen na rodel; nane les than pro Del andre peskre gondoľišagi.

Žalmi 10:4 Referans Kwoze

Rimanenge 1:28

A vašoda, hoj ola manuša na kamle te ľikerel andre peskre goďa o čačipen pal o Del, diňa len o Del andre lengre previsarde goďa, hoj te keren oda džungipen, so pes na kerel.

Skutki 8:22

Vašoda ker pokaňje andral kada binos a mang le Rajes, či tuke na odmukela oda, so tuke gondoľinehas andro jilo.

1. Mojžišoskro 6:5

O RAJ dikhľa, hoj o nalačhipen le manušengro pre phuv hino igen baro a hoj savoro, so gondoľinel o manuš andre peskro jilo, hin furt ča nalačho.

Rimanenge 1:21

Bo kajte prindžarde le Devles, na lašarenas les sar Devles, aňi leske na paľikerenas. Andre peskro gondoľišagos gele andro diliňipen a andre lengro nagoďaver jilo avľa o kaľipen.

Izajaš 65:2

Calo džives nacirdavas mire vasta ko zacata manuša, save phiren pal o drom, so nane lačho, so peske on korkore gondoľinde avri;

Žalmi 53:1

Oleske, ko ľidžal o bašaviben pal o machalat. O maskil le Davidoskro.

O Job 22:17

Le Devleske phenen: ‚Dža amendar het! So amen šaj kerel o Nekzoraleder?‘

5. Mojžišoskro 8:14

akor ma ačhen barikane andro jile a ma bisteren pro RAJ, pre tumaro Del, savo tumen iľa avri andral o Egipt, andral o otroctvos.

2. Mojžišoskro 5:2

O Faraonos odphenďa: „Ko hin o RAJ, hoj les te šunav a te premukav le Izraeliten? Me le RAJES na prindžarav a le Izraeliten na premukava.“

Efežanenge 2:12

Ma bisteren, hoj andre oda časos sanas bi o Kristus, na sanas jekhetane le Izraeloskre manušenca a na sas tumen kotor andro zmluvi the andro lava, so diňa o Del. Sanas andre kada svetos bi e naďej a dživenas bi o Del.

Marek 7:21

Bo andral o manuš – andral leskro jilo – aven avri o gondoľišagi te kerel o nalačhe veci, te kerel o lubipen, te murdarel, te čorel,

Sofonijaš 2:3

Roden le RAJES, savore pokorna manušale pre phuv, tumen, so doľikeren leskre prikazi. Roden o spravodľišagos, roden e pokora, či tumen našťi varesar garuvena andre oda Džives le RAJESKRA choľakro.

Jeremijaš 4:14

Jeruzalemona, obžužar tuke o jilo le nalačhipnastar, hoj te aves zachraňimen. Dži kana andre tu ľikereha o nalačho gondoľišagos?

Jeremijaš 2:31

Manušale andral kada pokoleňje šunen o lav le RAJESKRO: Či ačhiľom le Izraelitenge sar pušťa? Abo sar phuv, kaj hin baro kaľipen? Manušale mire, soske phenen: ‚Amen peske šaj keras, so kamas, imar na kamas te džal pal tute‘?

Izajaš 59:7

Lengre pindre denašen pal o nalačhipen, siďaren te murdarel le ňevinne manušes. Lengre gondoľišagi hin o gondoľišagi pal o nalačhipen, o murdaripen the o mariben hin pre lengre droma.

Izajaš 3:9

Dičhol lenge pro muja, hoj hine binošna; presikaven pes le binenca avke sar e Sodoma, a na garuven len andre. Vigos lenge! Bo korkore peske keren e bibach!

Izajaš 2:11

O barikane jakha ena pokorimen, o baripen le manušengro ela teledikhlo; ča o RAJ ela barardo andre oda džives.

Prislovja 30:13

varesave barikanes dikhen le jakhenca a hazden upre o bervi!

Prislovja 30:9

hoj man te na prechav, te na zaprinav tut a te na phenav: ‚Ko hin o RAJ?‘ Abo te na ačhav čoro, hoj te na čorav a te na kerav ladž le Devleskre naveske.

Prislovja 21:4

O barikane jakha the o jilo, so pes upre hazdel, hin le nalačhenge sar lampa, so len ľidžal andro binos.

Prislovja 6:17

O barikane jakha; e falošno čhib; o vasta, so čhoren avri o ňevinno rat;

Žalmi 101:5

Ko počoral vakerel namištes pal aver dženo, oleske phandava o muj. Kas hin barikane jakha a ko pes ľidžal upre, oles paš ma na zľidžava.

Žalmi 36:1

Oleske, ko ľidžal o bašaviben. Le RAJESKRE služobňikostar le Davidostar.

Žalmi 27:8

Miro jilo mange leperel tire lava: „Roden miro muj!“ He, RAJEJA, rodava tiro muj!

Žalmi 18:27

ko žužo sal the tu žužo, ale oles, ko hino previsardo andre peskro jilo, zachudeha tire goďaveripnaha.

Žalmi 73:11

A phenen: „Sar pes oda o Del dodžanela? Džanel olestar o Nekbareder?“

Kazaťeľis 8:11

Sar pes takoj na potrestinel o nalačhipen, the aver manuša kamen te kerel o nalačhe veci.

Sofonijaš 1:12

Andre oda časos prerodava le lampenca o Jeruzalem a marava ole muršen, save hine spokojna korkore peha, olen, ko peske andro jile phenen: ‚O RAJ na kerela ňič, aňi lačho aňi nalačho.‘