Žalmi 1:4 - Le Devleskero Lav Andre Romaňi Čhib Slovensko 2021

⁴ Avres hin le nalačhe manušenca! On hine sar o phus rozphurdlo la balvajaha.

Žalmi 1:4 Referans Kwoze

O Job 21:18

Sas varekana sar o phus, savo odphurdľa e balvaj? Abo sar e šuki čar, savi iľa e burka?

Matuš 3:12

Andre leskro vast hin o vejaris a ov prežužarela peskro humnos. O prežužardo zrnos sthovela andre peskri stodola, ale o phus labarela andre jag, so šoha na murdaľola andre.“

Žalmi 35:5

Sar o phus andre balvaj, avke len o aňjelos le RAJESKRO mi roztradel!

Izajaš 17:13

Kajte o manuša hučinen, sar hučinel o baro paňi; sar pre lende o Del viskinela, denašena dur; ena sar o phus, saves odphurdel e balvaj pro verchi sar o prachos odphurdlo la zoraľa balvajatar.

Hozeaš 13:3

Vašoda našľona sar e tosarutňi chmara, našľona sig sar e rosa, sar o phus, so hino odphurdlo andral o humnos, abo sar o thuv, so džal avri prekal e oblaka.

Izajaš 29:5

Ale tire but ňeprijaťeľa ačhena sar prachocis, kala pherdo maribnaskre murša ena sar odphurdlo phusoro. Ačhela pes oda jekhvareste, aňi na džanena kana.

O Job 8:13

Avke doperena ola, ko bisteren pro Del; e naďej ole manušengri, so pes na daran le Devlestar, našľola.

Žalmi 37:36

Ale paľis predžavas pašal, a dikh, imar ode na sas! Rodavas les, ale na delas pes te arakhel.

Jeremijaš 13:24

Roztradava len sar phus, savo ľecinel andre balvaj pal e pušťa.