Zacharijaš 9:5 - Le Devleskero Lav Andre Romaňi Čhib Slovensko 2021

⁵ O Aškalon oda dikhela a darala pes; e Gaza pes skurčinela dukhatar a o Ekron tiš, bo leskri naďej šučola avri. E Gaza našavela peskre kraľis a o Aškalon ela omuklo.

Zacharijaš 9:5 Referans Kwoze

Skutki 8:26

O aňjelos le Rajeskro prevakerďa ko Filip a phenďa leske: „Ušťi a dža pro juhos, pro drom, so džal andral o Jeruzalem tele andre Gaza.“ (Pal oda drom pes imar akana na phirel.)

Jeremijaš 47:1

Kada lav phenďa o RAJ le prorokoske Jeremijašiske pal o Filišťinci angloda, sar o faraonos domarďa e Gaza.

Filipanenge 1:20

Igen pre oda užarav a mukav man pre oda, hoj man andre ňisoste na ladžava. Pačav, hoj leske služinava bi e dar a avke sar furt the akana ela o Kristus barardo andre miro ťelos – či dživava, abo merava.

Rimanenge 5:5

A kadi naďej amenge šoha na ela pre ladž, bo o kamiben le Devleskro hino avričhido andre amare jile prekal o Sveto Duchos, savo amenge sas dino.

Joel 3:4

O kham pes čerinela pro kaľipen a o čhonoro pro rat angloda, sar avela oda baro the strašno Džives le RAJESKRO.

Amos 1:8

Zňičinava le kraľis andro Ašdod a the oles, ko chudel andro vasta o žezlos andro Aškalon; marava le Ekron mire vasteha, medik na merena savore Filišťinci,“ phenel o RAJ, o Adonaj.

Zacharijaš 9:4

Ale o RAJ lela savoro, so les hin, a čhivela leskro barvaľipen andro moros a o foros ela zlabardo.

Zacharijaš 9:6

Andro Ašdod bešena o manuša mišimen avre narodenca a skončinava le Filišťincengre baripnaha.

Izajaš 14:28

Andre oda berš, sar muľa o kraľis Achaz, sas phendo kada proroctvos:

Amos 1:6

Kada phenel o RAJ: „Na odmukava le manušenge andral e Gaza a marava len vaš o trin bini the vaš o štar, bo zaile cala fori a ľigende len het, hoj len te bikenen le Edomoske.