Zacharijaš 9:3 - Le Devleskero Lav Andre Romaňi Čhib Slovensko 2021

³ O Tir peske ačhaďa ohradzimen foros, skidňa peske upre rup sar prachos a somnakaj sar čik pro uľici.

Zacharijaš 9:3 Referans Kwoze

Ezechiel 27:33

Sar tiro tovaris avelas pal o moros, čaľarelas but naroden; tire bare barvaľipnaha the tovariha barvaľarehas but kraľen pre phuv.

O Job 27:16

Kajte skidela rup ajci sar prachos a gada ajci sar čik,

2. Samueloskro 24:7

Paľis gele ko ohradzimen foros Tir the ke savore Chivijengre the Kanaančanengre fori. Odarik gele andre Beer-Šeba, andre judsko pušťa Negev.

Jozua 19:29

paľis e hraňica pes visarel ke Rama dži ko ohradzimen foros Tir, odarik pes visarel ke Chosa a džal dži ko moros. Lengre hin the o fori o Machalab, o Achzib,

Izajaš 23:8

Ko anďa kada savoro pro Tir, savo rozdelas o kraľišagoskre koruni, saveskre kupci sas bare raja a sas len nekbareder pačiv pro svetos?

O Job 22:24

čhiv tutar het o somnakaj andro prachos, o somnakaj andral o Ofir maškar o bara andre jarka,

1. Kraľengro 10:27

Sar o Šalamun kraľinelas, sas andro Jeruzalem ajci rup sar bara a ajci stromi cedri sar dziva figovňika pro judska brehi.

1. Kraľengro 10:21

Savore kuča, andral save pijelas o Šalamun, sas kerde le somnakastar a savore veci andro Kher le libanoňike vešeskro sas kerde le žuže somnakastar. Ňič na sas kerdo le rupestar, bo andre oda časos o rup prekal lende na sas vzacno.

Izajaš 23:11

O RAJ nacirdňa peskro vast pro moros, razinďa le kraľišagenca a diňa avri rozkazis pro Kanaan, hoj pes te zňičinel leskre pevnosťi.

Ezechiel 26:12

Lena tuke savoro barvaľipen a čorena tuke savoro vzacno tovaris. Čhivena tuke tele o muri a zburinena tire šukar khera. Tire bara, tire kašta the tiro prachos čhivena andro moros.

Ezechiel 27:34

Ale akana stroskotinďal pro moros, andro bare paňa, tiro tovaris the savore tire nipi tašľona tuha.

O Job 3:15

abo le vladarenca, saven sas somnakaj a pherdžarde peske o khera le rupoha.

Ezechiel 27:27

Tiro barvaľipen, tiro tovaris, so bikenaves, tiro tovaris, so cinaves, tire namorňika, tire kormiďelňika, tire ťesara la loďakre, tire kupci, savore tire slugaďa a mek the sako, ko hin tuha pre loďa, tašľona dži tele andro moros andro džives, sar pereha tele.

Ezechiel 28:1

Paľis ke ma avľa o lav le RAJESKRO:

Amos 1:9

Kada phenel o RAJ: „Na odmukava le manušenge andral o Tir a marava len vaš o trin bini the vaš o štar, bo cala fori bikende le Edomoske a bisterde pre zmluva le phralengri.