Zacharijaš 10:1 - Le Devleskero Lav Andre Romaňi Čhib Slovensko 2021

¹ Mangen le RAJES, hoj te del o brišind jarone! O RAJ kerel o chmari la burkakre a bičhavel baro brišind savorenge, hoj te barol e čar pro maľi.

Zacharijaš 10:1 Referans Kwoze

Izajaš 44:3

Bo čhivava avri o paňi pre smedno phuv a mukava o paňi prudoha pre šuki phuv. Čhivava avri mire Duchos pre tire čhave a miro požehnaňje pre tire potomki.

Jakob 5:7

Phralale, vašoda ľikeren avri, medik na avela o Raj. Dikh, o manuš, savo kerel buči pre maľa, užarel, medik na avela o jaruno the o jesuno brišind a dela les o lačho uľipen andral e phuv.

Ezechiel 36:37

Kada phenel o RAJ, o Adonaj: Mek kadi jekh veca domukava le Izraelitenge, hoj mandar te mangen, a kada lenge dava: Kerava lengre manušendar ajci but sar bakrore,

Izajaš 30:23

Ov dela o brišind pre tire semena, so sadzinďal pre maľa, a e phuv anela baro uľipen the but chaben. Andre oda džives pes tiro stados pašinela pre bari zeleno čar.

Žalmi 65:9

Caľi phuv pes igen čudaľinel tire zazrakenge; tire skutki anen o radišagos pre phuv, kaj vidňisaľol tosara a rači kaľol andre.

5. Mojžišoskro 28:23

Andral o ňebos na dela ňisavo brišind a tumari phuv ela ajsi zoraľi sar trast.

O Evaňjelium le Janoskro 16:23

Oda džives mandar imar na phučena ňič. Čačes, čačes tumenge phenav, hoj dela tumen savoro, so mangena le Dadestar andre miro nav.

Micheaš 5:7

Ola, ko ačhena te dživel andral o Jakob, ena maškar o narodi, maškar o but manuša, sar o ľevos maškar o dziva džviri, sar o terno ľevos maškar o stados le bakrengro, savo avel a rozpučinel, savo čhingerel avke, hoj ňiko našťi zachraňinel.

Amos 4:7

„Zaačhaďom tumenge o brišind pro trin čhon angle žatva. Davas o brišind pre jekh foros a na davas pre aver; pre jekh maľa delas o brišind, ale aver maľa, pre savi na delas o brišind, šučiľa avri.

Hozeaš 10:12

Sadzinen tumenge o spravodľišagos, skiden o verno kamiben, prekopaľinen tumenge e naorimen maľa, bo hin o časos te rodel le RAJES, medik na avela a na dela o spravodľišagos pre tumende sar brišind.

Ezechiel 34:26

Požehňinava len a the savoro, so hin pašal miro verchos. Bičhavava pre lende o brišinda andro spravno časos a ola brišinda ena pro požehnaňje!

Jeremijaš 14:22

Či šaj o modli le narodengre den o brišind? Abo či o ňebos del korkoro pestar o prehanki? Či oda na sal tu, RAJEJA, Devla amaro, ko oda kerel? Pre tute pes mukas, bo ča tu kada savoro keres.“

Jeremijaš 10:13

Sar leskro hangos herminel, hučinen o paňa pro ňebos; pal o agor la phuvakro anel o chmari. Bičhavel o bleski le brišindeha a andral peskre skladi mukel avri e balvaj.

Izajaš 5:6

Kerava latar e pušťa; na strihinava la aňi na prekopaľinava. Barona upre o koľaka the o pichľača a le chmarenge prikazinava, hoj upre te na den o brišind.“

Prislovja 16:15

Te le kraľiske o muj asal, anel oda dživipen, a leskro lačhipen hin sar o brišind jarone.

Žalmi 104:13

Cinďares o verchi andral tire uprune khera; e phuv hiňi čaľi le ovocendar tira bučatar.

Jeremijaš 51:16

Sar leskro hangos herminel, hučinen o paňa pro ňebos; pal o agor la phuvakro anel o chmari. Bičhavel o bleski le brišindeha a andral peskre skladi mukel avri e balvaj.

1. Kraľengro 17:1

Akor o Eliaš, o prorokos andral o foros Tišbe andro Gilead, phenďa le kraľiske Achaboske: „Avke sar dživel o RAJ, o Del le Izraeloskro, saveske me služinav: Tel kala trin berš na ela rosa, aňi na dela brišind, medik me na phenava.“

1. Korinťanenge 3:6

Me sadzinavas a o Apollo poľivinelas, ale o Del diňa, hoj te barol.

Hozeaš 6:3

Aven, sprindžaras le RAJES! Keras sa, hoj les te sprindžaras. Avke sar hin isto, hoj o kham avela avri, avke hin isto the oda, hoj ov avela; avela sar o brišind, so avel jesone the jarone, sar o brišind, so poľivinel e phuv.

Žalmi 72:6

Avke sar del o brišind pre košimen maľa a sar e rosa cinďarel e phuv,

O Job 29:23

užarenas pre lende avke sar pro brišind a phundrade mujenca len pijenas sar o jaruno brišind.

Žalmi 135:7

Prianel o chmari dži pal o agor la phuvatar; bičhavel o bleski le brišindeha a mukel avri e balvaj andral peskre skladi.

Jeremijaš 5:24

Aňi peske na phende: ‚Aven daras pes le RAJESTAR, amare Devlestar, savo del o brišind andro spravno časos. Ov del o jesuno the o jaruno brišind a the o kurke, andre save pes skidel upre o uľipen.‘