Sudcengro 17:6 - Le Devleskero Lav Andre Romaňi Čhib Slovensko 2021

⁶ Andre oda časos andro Izrael na sas kraľis. Sako kerelas oda, so gondoľinelas, hoj hino lačho.

Sudcengro 17:6 Referans Kwoze

Prislovja 14:12

Varesavo drom pes dičhol le manušeske lačho, no pro koňec ľidžal andro meriben.

5. Mojžišoskro 12:8

Ma keren avke, sar amen keras adadžives. Dži akana sako kerelas avke, sar peske gonďoľinelas, hoj oda hin lačho.

Prislovja 12:15

Le dilineske pes dičhol leskro drom lačho, ale o goďaver šunel e rada.

Sudcengro 21:25

Andre oda časos na sas kraľis andro Izrael a sako kerelas oda, so pes leske dičholas spravno.

Sudcengro 19:1

Andre jekh časos, sar andro Izrael na sas kraľis, jekh Levitas dživelas pro durale brehi andro Efrajim. Iľa peske andral o judsko Betlehem mek jekha romňa-služobňička.

Sudcengro 18:1

Andre oda časos mek le Izraeliten na sas kraľis. Akor o kmeňos Dan rodenas prekal peste ďeďično phuv, kaj te bešen. Bo dži akor mek na chudle maškar o izraelika kmeňi phuv vaš o ďeďictvos.

Prislovja 16:2

O manuš šaj peske gondoľinel, hoj savoro, so kerel, hin pro lačho, no o RAJ džanel, soske o manuš kerel oda, so kerel.

Kazaťeľis 11:9

Radisaľuv, terne manušeja, andre tiro terňipen, tiro jilo mi radisaľol tire terňipnaskre dživesenge! Phir pal o droma, kaj tut ľidžal tiro jilo the pal oda, so dikhen tire jakha, ale džan, hoj o Del tut vaš oda savoro anela pro sudos.

Žalmi 12:4

RAJEJA, phand andre savore gule vušta a odčhin dojekh barikaňi čhib –

Sudcengro 21:3

Hikinenas: „Ó, RAJEJA, Devla le Izraeloskro, soske pes andro Izrael ačhiľa oda, hoj adadžives jekh tire kmeňostar našľiľa?“

5. Mojžišoskro 33:5

O RAJ ačhiľa kraľiske upral o Ješurun, sar pes zgele leskre vodci the o kmeňi.“

1. Mojžišoskro 36:31

Kala hine o kraľa, save sas andro Edom mek sigeder, sar sas le Izraeliten kraľis: