Sudcengro 15:19 - Le Devleskero Lav Andre Romaňi Čhib Slovensko 2021

¹⁹ Akor o Del phundraďa chev andro Lechi a demaďa avri o paňi. Sar o Samson piľa, prekerďa pes a avľa ke peste. Vašoda le paňeske, so hin dži adadžives andro Lechi, diňa nav En-Hakore.

Sudcengro 15:19 Referans Kwoze

Izajaš 44:3

Bo čhivava avri o paňi pre smedno phuv a mukava o paňi prudoha pre šuki phuv. Čhivava avri mire Duchos pre tire čhave a miro požehnaňje pre tire potomki.

1. Mojžišoskro 45:27

Ale sar leske phende savoro, so lenge phenďa o Jozef, a sar o Jakob dikhľa o verdana, so bičhaďa o Jozef, hoj les te anen andro Egipt, o Jakob avľa pale ke peste.

Žalmi 34:6

Ola, ko pre leste dikhena, švicinena, lengre muja pes šoha na ladžana.

Izajaš 40:29

Ov del zor oles, ko hino strapimen, a oles, ko na birinel, del bari zor.

Izajaš 40:26

Hazden upre o jakha a dikhen: Ko stvorinďa kada savoro? Oda, ko anel avri o čercheňa jekh pal aver, a savoren vičinel avri pal o nava. Vašoda, hoj leskri moc hiňi obrovsko a leskri zor hiňi igen bari, aňi jekh lendar na chibaľinel.

Žalmi 120:1

E giľi pro drom upre andro Jeruzalem. Pro RAJ vičinavas andral o pharipen a ov mange odphenďa.

1. Samueloskro 30:12

kotor bokeľi le figendar the duj konarica šuke hrozni. Sar chaľa, takoj avľa ke peste, bo imar trin džives the trin rača ňič na chaľa aňi na piľa.

2. Mojžišoskro 17:15

O Mojžiš ode ačhaďa oltaris a diňa leske nav: O RAJ hino miri zastava.

1. Mojžišoskro 30:30

Angloda, sar avľom, sas tut frima a akana tut hin igen but. O RAJ tut požehňinelas všadzik, kaj me džavas. Me mušinav imar te dikhel the pre miri famelija.“

1. Mojžišoskro 28:19

Ole thaneske diňa nav Betel. Angloda pes oda than vičinelas Luz.

1. Mojžišoskro 16:13

E Hagar diňa nav le RAJESKE, savo ke late prevakerďa, El-Roi, bo phenďa: „Me dikhľom Oles, ko pre ma dikhel.“

4. Mojžišoskro 20:11

O Mojžiš hazdňa e paca andro vast a duvar demaďa pre skala. Avľa avri andral late igen but paňi a savore manuša the dobitkos pile olestar.

Sudcengro 15:9

O Filišťinci avle upre, rozthode peske o taboris andre Judsko a pripravinde pes pro mariben pro foros Lechi.

Žalmi 50:15

Vičin pre ma oda džives, sar tuke ela phares, me tut zachraňinava a tu man lašareha.“

Žalmi 110:7

Andral o jarkos pašal o drom pijela paňi; a vašoda hazdela upre o šero.