Sudcengro 11:18 - Le Devleskero Lav Andre Romaňi Čhib Slovensko 2021

¹⁸ Paľis o Izraeliti džanas prekal e pušťa a obgele e moabiko the edomiko phuv. Doavle pre vichodno sera la moabika phuvatar a kerde peske taboris pal o paňi Arnon. Ale na pregele odarik, bo ode chudelas e phuv Moab.

Sudcengro 11:18 Referans Kwoze

4. Mojžišoskro 22:36

Sar o Balak šunďa, hoj o Balaam avel, geľa angle leste andro moabiko foros Ar, paš o paňi Arnon, pre hraňica le Moaboskri.

4. Mojžišoskro 20:22

O izraeliko narodos odgeľa andral o Kadeš a avle ko verchos Hor.

5. Mojžišoskro 2:9

Akor mange o RAJ phenďa: ‚Ma dža pro Moabčana a ma muk tut lenca andro mariben, bo lengra phuvatar tumenge na dava ňič. O foros Ar diňom lenge, le Lotoskre potomkenge.‘

5. Mojžišoskro 2:18

‚Adadžives predžaha prekal e moabiko phuv paš o foros Ar.

5. Mojžišoskro 2:24

„Sar imar predžahas prekal e phuv Moab, o RAJ amenge phenďa: ‚Akana ušťen, džan a predžan e dolina Arnon! Diňom tumenge andro vasta le amorejike kraľis Sichon andral o foros Chešbon the leskri phuv. Chuden te zalel leskri phuv a džan pre leste!