Skutki 9:3 - Le Devleskero Lav Andre Romaňi Čhib Slovensko 2021

³ Ačhiľa pes androda, sar džalas, sar imar sas pašes paš o Damašek, hoj les jekhvareste zaučharďa andre o švetlos andral o ňebos.

O keriben pal e Devleskre bičhade 1936 (Morava)

³ He auka har phirelas, pēl’as paš o Damaskos, he najekvar thabil’as pašal leste jek pārñipen kathar o devel.

Skutki 9:3 Referans Kwoze

1. Korinťanenge 15:8

A pro ostatkos savorendar pes sikaďa the mange sar varekaske, ko na uľiľa andro spravno časos.

Skutki 22:6

Ačhiľa pes mange, sar džavas imar paš o Damašek, avke vaj pro dilos, hoj jekhvareste avľa andral o ňebos igen zoralo švetlos a zaučharďa man andre.

Zjaveňje 21:23

Le foroske na kampel, hoj leske te švicinel o kham abo o čhonoro, bo e slava le Devleskri leske švicinel a leskri lampa hin o Bakroro.

1. Timoteoske 6:16

Jekh ov, o Del, šoha na merel a bešel andro švetlos, kaj ňiko našťi džal; ňisavo manuš les šoha na dikhľa a aňi les našťi dikhel. Leske mi džal e pačiv the e večno zor! Amen.

Zjaveňje 22:5

E rat imar na ela, na kampela lenge o švetlos la lampakro aňi le khameskro, bo o Raj, o Del, ela lengro švetlos. A on kraľinena na veki vekov.

Skutki 9:17

Akor odgeľa o Ananijaš a geľa andro kher, thoďa pre leste o vasta a phenďa: „Saul, phrala! O Raj o Ježiš, savo pes tuke sikaďa pro drom, sar avehas kade, man bičhaďa, hoj pale te dikhes a te aves naplňimen le Svete Duchoha.“

Žalmi 104:2

Učhares tut le švetloha sar le plašťoha; nacirdes o ňebos sar o stanos.

Skutki 9:27

Ale o Barnabaš les iľa, ľigenďa ko apoštola a vakerďa lenge avri, sar o Saul dikhľa le Rajes pro drom, sar leha vakerďa a the sar andro Damašek vakerelas bi e dar andro nav le Ježišoskro.

1. Korinťanenge 9:1

Či na som slobodno manuš? Či na som apoštolos? Či na dikhľom le Ježiš, amare Rajes? Či na san tumen o ovocje mira bučakro andro Raj?