Rimanenge 8:5 - Le Devleskero Lav Andre Romaňi Čhib Slovensko 2021

⁵ Bo ola, ko dživen pal o ťelos, gondoľinen pro ťeloskre veci, ale ola, ko dživen pal o Duchos, gondoľinen pro duchoskre veci.

Rimanenge 8:5 Referans Kwoze

1. Korinťanenge 2:14

Ale o ťelesno manuš na achaľol oda, so kamel le Devleskro Duchos, bo oda hin leske diliňipen. Našťi oda sprindžarel, bo oda kampel te achaľol andro Duchos.

O Evaňjelium le Janoskro 3:6

So uľiľa andral o ťelos, hin o ťelos, a so uľiľa andral o Duchos, hin o duchos.

Rimanenge 8:9

No tumen na san andro ťelos, ale andro duchos, te o Duchos le Devleskro dživel andre tumende. Ale te varekas nane le Kristoskro Duchos, oda nane leskro.

Marek 8:33

Ale o Ježiš visaľiľa, dikhľa pro učeňika a pokarhinďa le Peter: „Dža mandar het, satan, bo na gondoľines pre le Devleskre veci, ale pre le manušeskre!“

2. Korinťanenge 10:3

Bo kajte dživas andro ťelos pre kada svetos, amen pes na maras avke sar o manuša andro svetos.

2. Peter 2:10

Mek buter potrestinela olen, ko džan pal peskre džungale ťelesna žadosci a na kamen pes te poddel le autoritenge. Ola manuša na daran ňikastar, hine barikane a bi e dar vakeren namištes pro ňeboskre bitosťi.

Efežanenge 5:9

Se o ovocje le švetloskro hin savoro lačhipen, spravodľišagos the čačipen.

1. Korinťanenge 15:48

Savo sas oda phuvakro, ajse hine the savore phuvakre; a savo oda ňeboskro, ajse hine the savore ňeboskre.

Galaťanenge 5:17

Bo o ťelos na kamel oda, so o Duchos, a o Duchos na kamel oda, so o ťelos.