Rimanenge 1:24 - Le Devleskero Lav Andre Romaňi Čhib Slovensko 2021

²⁴ Vašoda len o Del oddiňa andre oda džungipen, so kamenas te kerel andral peskre jile, hoj te keren ola ladžandutne veci peskre ťelenca maškar peste.

Rimanenge 1:24 Referans Kwoze

Skutki 7:42

Ale o Del pes lendar visarďa het a diňa lenge, hoj pes te modľinen ko ňeboskre čercheňa, avke sar hin pisimen andro zvitkos le prorokengro: ‚Izraelitale, či mange anďan obeti the dari pre pušťa tel o saranda (40) berš?

Skutki 14:16

Varekana o Del mukelas te džal savore naroden lengre dromenca,

Matuš 15:14

Muken len avke! On korkore hine kore a kamen te ľidžan avre koren. A te jekh koro ľidžala avre kores, sodujdžene perena andre chev.“

3. Mojžišoskro 18:22

Ma pašľuv le muršeha, avke sar pes pašľol la džuvľaha. Oda hin baro džungipen.

1. Tesaloničanenge 4:4

hoj sako tumendar te džanel sar te dživel peskra romňaha svetones the andre pačiv

1. Korinťanenge 6:18

Denašen het le lubipnastar! Dojekh aver binos, savo kerďahas o manuš, na kerel peskre ťeloske, ale ko kerel o lubipen, kerel binos korkoro pre peskro ťelos.

1. Korinťanenge 6:13

„O chabena hin prekal o per a o per hin prekal o chabena!“ Ale o Del zňičinela soduj. No o ťelos nane prekal o lubipen, ale prekal o Raj, a o Raj prekal o ťelos.

Rimanenge 6:12

Te na kraľinel o binos andre tumaro meribnaskro ťelos avke, hoj šunena leskre ťeloskre žadosci.

Efežanenge 2:3

The amen savore varekana lenca dživahas andro žadosci le ťeloskre a kerahas oda, so kamelas amaro ťelos the amari goďi a avke sar the okla manuša peske zaslužinahas te cerpinel le Devleskri choľi.