O Evaňjelium le Janoskro 7:10 - Le Devleskero Lav Andre Romaňi Čhib Slovensko 2021

¹⁰ Ale sar gele leskre phrala pro inepos, geľa the ov; no na avke, hoj les te dičhol, ale počoral.

O Evaňjelium le Janoskro 7:10 Referans Kwoze

Matuš 10:16

„Me tumen bičhavav sar le bakroren maškar o vlki. Aven opatrna sar o sapa a žuže sar o holubi.

Amos 5:13

Vašoda hino o goďaver akor čhit, bo nane lačho časos.

Galaťanenge 4:4

Ale sar pes naplňinďa o časos, bičhaďa o Del peskre Čhas, savo uľiľa la džuvľatar, uľiľa tel o zakonos,

O Evaňjelium le Janoskro 11:54

Vašoda pes imar o Ježiš na sikavelas phundradones maškar o Židi, ale geľa odarik pre ajso than paš e pušťa, andro foros Efrajim. Ode ačhiľa peskre učeňikenca.

O Evaňjelium le Janoskro 7:5

Bo aňi leskre phrala andre leste na pačanas.

O Evaňjelium le Janoskro 7:3

Akor o phrala le Ježišoskre leske phende: „Dža het andral e Galileja a dža andre Judsko, hoj the tire učeňika ode te dikhen o skutki, so keres.

Matuš 3:15

Ale o Ježiš leske odphenďa: „Akana muk avke! Bo kampel amenge te kerel savoro spravodľišagos.“ A paľis leske o Jan domukľa.

Žalmi 40:8

Vašoda phenďom: „Kade som, avľom. Andro zvitkos hin pisimen pal ma.

Žalmi 26:8

RAJEJA! Kamav tiro kher, kaj tu bešes, o than, kaj hin tiri slava.

Matuš 12:46

Medik vakerelas le nipenge, avľa leskri daj the leskre phrala, ačhenas avri a kamenas leha te vakerel.

Marek 3:21

Sar pes le Ježišoskri famelija pal oda došunďa, avle, hoj les te len het, bo phende pre leste, hoj našaďa e goďi.

O Evaňjelium le Janoskro 7:9

Kada lenge phenďa a ačhiľa andre Galileja.