O Evaňjelium le Janoskro 6:12 - Le Devleskero Lav Andre Romaňi Čhib Slovensko 2021

¹² Sar imar čaľile, phenďa peskre učeňikenge: „Skiden upre, so ačhiľa, hoj ňič te na musaľol!“

O Evaňjelium le Janoskro 6:12 Referans Kwoze

Лукастар 1:53

le bokhalen pherdžarďa le lačhe vecenca a le barvalen bičhaďa het a na diňa len ňič.

Лукастар 9:17

Chale savore a čaľile. Olestar, so ačhiľa, kidle upre dešuduj košara.

Nehemiaš 9:25

Tire manuša zaile o ohradzimen fori, o uľipnaskre maľi, o khera pherde le barvaľipnaha, o chaňiga, so imar sas kerde, o olivova sadi, o viňici the but ovocna stromi. Chale a čaľile, thuľile a radisaľonas andre tiro baro lačhipen.

Nehemiaš 8:10

Džan khere, chan o lačho chaben, pijen e guľi mol a bičhaven the olenge, kas nane ňič, bo kada džives hino pošvecimen amare RAJESKE. Ma aven smutna, bo o radišagos le RAJESKRO hin tumari zor.“

Prislovja 18:9

O leňivo andre buči hino phral oleske, so savoro musarel.

Лукастар 15:13

Pal varesave dživesa o terneder čhavo iľa savoro a geľa het dur andre cudzo phuv. Ode dživelas barikanes a rozkerďa savoro peskro barvaľipen.

Лукастар 16:1

O Ježiš phenďa peskre učeňikenge: „Sas jekh barvalo manuš a les sas jekh sluhas, so leske dodikhelas pro barvaľipen. A avle pro sluhas te phenel, hoj leske rozčhivkerel o barvaľipen.

O Evaňjelium le Janoskro 2:2

O Ježiš sas vičimen pro bijav peskre učeňikenca.