O Evaňjelium le Janoskro 15:7 - Le Devleskero Lav Andre Romaňi Čhib Slovensko 2021

⁷ Te ačhena andre mande a mire lava ačhena andre tumende, akor mangen savoro, so kamen, a ačhela pes tumenge.

O Evaňjelium le Janoskro 15:7 Referans Kwoze

Žalmi 37:4

Radisaľuv andro RAJ a dela tut, pal soste tiro jilo tužinel.

1. Jan 5:14

A kada hin amari istota paš o Del, hoj sar mangas vareso pal leskri voľa, ov amen šunel.

O Evaňjelium le Janoskro 14:13

A me kerava savoro, so mangena andre miro nav, hoj te avel o Dad oslavimen andro Čhavo.

1. Jan 3:22

A chudas lestar savoro, so mangas, bo doľikeras leskre prikazaňja a keras oda, so leske hin pre dzeka.

O Evaňjelium le Janoskro 15:16

Na tumen tumenge kidňan avri man, ale me mange kidňom avri tumen a ačhaďom tumen, hoj te džan a te anen ovocje, savo ačhela. Hoj o Dad tumen te del savoro, so mangena andre miro nav.

Matuš 7:7

„Mangen a ela tumenge dino, roden a arakhena, durkinen a phundravela pes tumenge.

O Evaňjelium le Janoskro 16:23

Oda džives mandar imar na phučena ňič. Čačes, čačes tumenge phenav, hoj dela tumen savoro, so mangena le Dadestar andre miro nav.

Galaťanenge 5:16

Ale phenav: Dživen pal o Duchos a na kerena o žadosci le ťeloskre.

1. Jan 2:27

No pre tumende ačhel o pomazaňje, savo priiľan lestar, a vašoda tumenge na kampel, hoj tumen vareko te sikavel. Bo leskro pomazaňje tumen sikavel pal savoreste a oda hin čačipen a na klamišagos – ačhen andre leste, avke sar tumen sikavelas.

Jeremijaš 15:16

Furt, sar ke ma avenas tire lava, chavas len; tire lava mange anen o radišagos a miro jilo lendar radisaľol, se me man vičinav pal tiro nav, RAJEJA, Nekzoraleder Devla.

Prislovja 10:24

O čačipnaskre chudena, so peske mangen, no le binošnenge pes ačhela oda, sostar pes nekbuter daran.

Žalmi 119:11

Andro jilo mange garuďom tiro lav, hoj te na kerav binos angle tute.

Izajaš 58:8

Akor avela avri tiro švetlos sar o vidňišagos a tire rani sig sasťona. Anglal tu džala tiro spravodľišagos a pal tu le RAJESKRI slava.

5. Mojžišoskro 6:6

Kala lava, so tuke adadžives dav, ľikereha andre tiro jilo

1. Jan 2:14

Pisinav tumenge, čhavale, hoj prindžarďan le Dades. Pisinďom tumenge, dadale, hoj prindžarďan oles, ko hin ešebnovarestar. Pisinďom tumenge, terne muršale, bo san zorale a le Devleskro lav ačhel andre tumende a zviťazinďan upral o nalačho.

Kološanenge 3:16

O lav le Kristoskro mi el barvales andre tumende. Andre savoro goďaveripen sikaven jekh avres a dovakeren tumenge. A paľikeribnaha andro jile giľaven le Devleske o žalmi, o chvali the o duchovna giľa.

Prislovja 4:4

miro dad man sikavelas a phenďa: „Ľiker mire lava andro jilo, doľiker mire prikazi a dživeha.

O Job 22:26

Paľis radisaľoha le Nekzoraleder Devlestar a šaj hazdeha upre tiro muj ko Del.

O Evaňjelium le Janoskro 8:37

Džanav, hoj san le Abrahamoskre čhave, ale kamen man te murdarel, bo na kamen te prilel mire lava.

O Job 23:12

Na omukľom o prikazaňje, so mange phenďa, o lava andral leskro muj mange važinav buter sar miro chaben.

Galaťanenge 4:2

Hino mek tel o dozorci the spravci, medik na avela oda džives, savo určinďa leskro dad.

1. Kraľengro 3:5

Ode pes leske rači andro suno sikaďa o RAJ, o Del, a phenďa: „So kames, hoj tut te dav?“

O Evaňjelium le Janoskro 8:31

Akor phenďa o Ježiš ole Židenge, save andre leste pačanďile: „Te doľikerena miro lav, čačes san mire učeňika.