O Evaňjelium le Janoskro 14:6 - Le Devleskero Lav Andre Romaňi Čhib Slovensko 2021

⁶ O Ježiš leske phenďa: „Me som o drom, o čačipen the o dživipen. Ňiko na avela ko Dad, te na avela prekal ma.

O Evaňjelium le Janoskro 14:6 Referans Kwoze

Skutki 4:12

A andre ňikaste avreste nane e zachrana, bo aňi nane aver nav tel o ňebos, so uľahas dino le manušenge, andre savo šaj avas amen zachraňimen.“

O Evaňjelium le Janoskro 10:9

Me som o vudar. Te avela vareko andre prekal ma, ela spasimen. Avela andre a džala avri a arakhela o chaben.

Efežanenge 2:18

Bo prekal leste šaj avas sodujdžene andre jekh Duchos ko Dad.

O Evaňjelium le Janoskro 1:4

Andre leste sas o dživipen a oda dživipen sas o švetlos le manušengro.

1. Jan 5:20

A džanas, hoj o Čhavo le Devleskro amen avľa te del goďi, hoj te prindžaras le čače Devles. A amen sam andro čačo Del, andre leskro Čhavo Ježiš Kristus. Ov hino o čačo Del the o večno dživipen.

O Evaňjelium le Janoskro 1:14

Oda Lav ačhiľa manuš a dživelas maškar amende. Dikhľam leskri slava, e slava ča le jekhore Čhaskri, savo avľa le Dadestar a andre savo hin pherdo milosť the čačipen.

O Evaňjelium le Janoskro 1:17

Bo prekal o Mojžiš sas dino o zakonos, ale e milosť the o čačipen avľa prekal o Ježiš Kristus.

Židenge 7:25

Vašoda ov šaj dokonales zachraňinel olen, ko aven ko Del prekal leste, bo dživel furt a šaj pes vaš lenge privakerel paš o Dad.

O Evaňjelium le Janoskro 8:32

Prindžarena o čačipen a o čačipen tumen oslobodzinela.“

1. Peter 3:18

Se the o Kristus cerpinelas jekhvar a pro furt, o spravodľivo vaš o ňespravodľiva, hoj tumen te anel ko Del. Sas murdardo andro ťelos, ale obdžiďardo andro Duchos.

O Evaňjelium le Janoskro 5:21

Bo sar o Dad uštavel le mulen a obdžiďarel len, avke the o Čhavo, kas kamel, obdžiďarel.

2. Jan 1:9

Sakones, ko džal dureder a na ačhel andro sikaviben le Kristoskro, nane o Del. Ale oles, ko ačhel andro sikaviben le Kristoskro, hin the o Dad the o Čhavo.

Zjaveňje 20:15

Te varekaskro nav na sas pisimen andre kňižka le dživipnaskri, sas čhido andro jagalo jazeros.

O Evaňjelium le Janoskro 15:1

„Me som oda čačo viňičis a miro Dad hino vinaris.

Matuš 11:27

Miro Dad mange diňa savoro. Ňiko na džanel le Čhas, ča o Dad; aňi le Dades na džanel ňiko, ča o Čhavo the oda, kaske les o Čhavo kamel te sikavel.

O Evaňjelium le Janoskro 6:51

Me som oda džido maro, so avľa tele andral o ňebos. Te vareko chala ole marestar, dživela furt. Oda maro hin miro ťelos, savo me dava vaš o dživipen le svetoskro.“

Zjaveňje 22:17

O Duchos the e terňi phenen: „Av!“ Oda, ko šunel, mi phenel: „Av!“ Ko hino smedno, mi avel; ko kamel, mi lel peske o džido paňi hijaba.

O Evaňjelium le Janoskro 8:51

Čačes, čačes phenav tumenge te vareko doľikerela miro lav, šoha na dikhela o meriben.“

1. Jan 2:23

Oles, ko zaprinel le Čhas, nane aňi o Dad. Ale oles, ko viznavinel le Čhas, hin the o Dad.

O Evaňjelium le Janoskro 10:28

Me len dav večno dživipen a šoha na merena a ňiko len na cirdela avri andral miro vast.

O Evaňjelium le Janoskro 18:37

Akor o Pilat phenďa: „Ta akor the avke sal kraľis?“ O Ježiš odphenďa: „Tu phenes, hoj som kraľis. Me pre oda uľiľom, a vašoda avľom pro svetos, hoj te svedčinav pal o čačipen. Sako, ko hin andral o čačipen, šunel miro hangos.“

O Evaňjelium le Janoskro 6:33

Bo le Devleskro maro hin oda, ko avel tele andral o ňebos a del le svetos dživipen.“

O Evaňjelium le Janoskro 14:19

Mek sikra a o svetos man buter na dikhela, ale tumen man dikhena. Vašoda, hoj me dživav, the tumen dživena.

O Evaňjelium le Janoskro 6:57

Avke sar man bičhaďa o džido Dad a sar me dživav le Dadestar, avke the oda, ko man chala, mandar dživela.

1. Peter 2:4

Aven ke leste, ko džido bar, savo sas odčhido le manušendar, ale anglo Del avrikidlo the igen vzacno.

O Evaňjelium le Janoskro 10:7

Akor lenge o Ježiš pale phenďa: „Čačes, čačes phenav tumenge, me som o vudar le bakrorengro.

Rimanenge 5:2

Pačabnaha andre leste šaj avas andre milosť le Devleskri, andre savi akana the ačhas. A lašaras pes oleha, hoj užaras pre le Devleskri slava.

Kološanenge 3:4

A sar pes sikavela o Kristus, tumaro dživipen, akor pes the tumen leha sikavena andre slava.

1. Korinťanenge 15:45

Avke hin the pisimen: „Ešebno manuš o Adam ačhiľa džido manuš“; o posledno Adam ačhiľa Duchos, savo del dživipen.

1. Jan 1:8

Te phenas, hoj amen nane bini, korkore pes klaminas a nane andre amende o čačipen.

O Evaňjelium le Janoskro 6:68

O Šimon Peter leske odphenďa: „Rajeja, ke kaste džaha? Se tut hin o lava, so den o večno dživipen,

Rimanenge 5:21

hoj avke, sar o binos chudňa te kraľinel a te ľidžal ko meriben, avke the e milosť le Devleskri chudňa te kraľinel prekal o spravodľišagos a te ľidžal ko večno dživipen prekal o Ježiš Kristus amaro Raj.

Zjaveňje 1:5

the le Ježišostar Kristostar. Ov hino verno švedkos, ešebno olendar, ko sas uštade andral o meriben, a hino kraľis upral savore kraľa pre phuv. Leske, savo amen kamel a peskre rateha amen cinďa avri amare binendar;

1. Peter 1:21

Prekal leste pačan andro Del, savo les uštaďa andral o meriben a diňa les e slava, hoj tumaro pačaben the tumari naďej te avel andro Del.

Zjaveňje 19:11

Dikhľom phundrado o ňebos a jekhvareste pes sikaďa o parno graj a Oda, ko upre bešelas, pes vičinelas Verno the Spravodľivo. Leskro sudos the mariben hino spravodľivo.

Kološanenge 2:9

Bo andro Kristus dživel savori plnosť le Devleskri, andre le manušeskro ťelos.

1. Jan 5:6

O Ježiš Kristus hin oda, ko avľa prekal o paňi the prekal o rat. Na avľa ča le paňeha, ale le paňeha the le rateha. A o Duchos hin oda, ko oda dosvedčinel, bo o Duchos hin o čačipen.

Zjaveňje 3:14

„Le aňjeloske andre khangeri Laodikea pisin: Kada phenel oda, ko pes vičinel Amen, oda pačivalo the čačipnaskro švedkos, oda, ko hino upral savoreste, so o Del stvorinďa.

Kološanenge 2:17

Bo kala hine ča o ciňi ole vecengre, so avena, ale e skutočnosť hin o Kristus.

Zjaveňje 3:7

„Le aňjeloske andre khangeri Filadelfia pisin: Kada phenel o Sveto, o Čačipnaskro, kaste hin e kleja le Davidoskri, oda, ko phundravel o vudar avke, hoj ňiko našťi phandel a phandel avke, hoj ňiko našťi phundravel:

Skutki 3:15

Murdarďan oles, ko del o dživipen, ale o Del les uštaďa andral o meriben a amen sam oleske švedki!

Zjaveňje 22:1

Paľis mange o aňjelos sikaďa baro paňi, o paňi le dživipnaskro, ajso žužo sar krištalos, savo avelas avri andral tronos le Devleskro the le Bakroreskro

Židenge 9:8

Oleha sikavelas o Sveto Duchos, hoj mek na sas phundrado o drom andro Neksveteder than, medik ačhelas o ešebno Svetostankos.

Rimanenge 15:16

hoj me te avav o služobňikos le Ježišoskro Kristoskro prekal o aver narodi, hoj te služinav sar rašaj le Devleskre evaňjelioske, hoj o narodi te aven e obeta, so šukares voňinel le Devleske a so hiňi pošvecimen le Svete Duchostar.

Skutki 9:2

a mangľa lestar o ľila pro sinagogi andro Damašek, hoj te rodel avri ole muršen the ole džuvľen, save džan pal o drom le Rajeskro, hoj len te phandel andre a te anel len andro Jeruzalem.