O Evaňjelium le Janoskro 10:6 - Le Devleskero Lav Andre Romaňi Čhib Slovensko 2021

⁶ Kada podobenstvo lenge phenďa o Ježiš, ale on na achaľile, pal soste lenge vakerelas.

O Evaňjelium le Janoskro 10:6 Referans Kwoze

Izajaš 56:11

Hine rikone, so but kamen te chal a našťi dočaľon; hine pasťjera, so na achaľon ňisoske. Sako peske dživel, sar kamel, savorenge džal ča pal lengro ziskos.

Prislovja 28:5

O nalačhe manuša na achaľon, so hin te kerel o čačipen, ale ola, ko roden le RAJES, oleske mištes achaľon.

Žalmi 82:5

Tumen na džanen, aňi na achaľon; phiren andro kaľipen a savore zakladi la phuvakre razisaľon.

O Evaňjelium le Janoskro 16:25

Kada tumenge vakeravas andro podobenstva, ale avela e ora, hoj tumenge na vakerava buter andro podobenstva. Ale vakerava tumenge phundradones pal o Dad.

Matuš 13:51

O Ježiš lendar phučľa: „Achaľiľan kaleske savoreske?“ „He,“ odphende leske.

Daniel 12:10

But džene ena žužarde, lela pes pal lende tele e mel a prekal e jag ačhena dokonaleder, ale o nalačhe ačhena dureder nalačhe. Ňiko le nalačhe manušendar oleske na achaľona, ale o goďaver achaľona.

Žalmi 106:7

Amare dada andro Egipt na achaľile tire zazrakenge, na leperenas peske pre tiro baro verno kamiben a vzburinenas pes paš o moros, paš o Lolo moros.

1. Jan 5:20

A džanas, hoj o Čhavo le Devleskro amen avľa te del goďi, hoj te prindžaras le čače Devles. A amen sam andro čačo Del, andre leskro Čhavo Ježiš Kristus. Ov hino o čačo Del the o večno dživipen.

1. Korinťanenge 2:14

Ale o ťelesno manuš na achaľol oda, so kamel le Devleskro Duchos, bo oda hin leske diliňipen. Našťi oda sprindžarel, bo oda kampel te achaľol andro Duchos.

O Evaňjelium le Janoskro 8:43

Soske na achaľon oleske, so me vakerav? Vašoda, bo našťi zľidžan mire lava.

O Evaňjelium le Janoskro 8:27

No on na achaľile, hoj lenge vakerelas pal o Dad.

O Evaňjelium le Janoskro 7:36

So hin oda, so phenďa: ‚Rodena man a na arakhena a ode, kaj me som, tumen našťi aven?‘ “

O Evaňjelium le Janoskro 6:60

Sar oda šunde leskre učeňika, but džene lendar phende: „Kala lava hine zorale! Ko len šaj šunel?“

O Evaňjelium le Janoskro 6:52

Akor pes o Židi chudle te vesekedinel maškar peste a phende: „Sar amenge kada manuš šaj del te chal peskro ťelos?“

Matuš 13:34

Kada savoro vakerelas o Ježiš andro podobenstva le nipenge a bi o podobenstva lenge na vakerelas ňič,

Marek 4:34

Le manušenge na vakerelas bi o podobenstva, ale sar sas korkoro peskre učeňikenca, lenge phenelas avri savoro.

O Evaňjelium le Janoskro 16:29

Akor o učeňika phende: „Dikh, akana vakeres phundradones, a na vakeres andro podobenstvo.

2. Peter 2:22

Ačhiľa pes lenge avke, sar pes vakerel: „O rikono geľa pale paš oda, so čandľa avri,“ a: „O žužo balo pes geľa pale te meľarel andre čik.“