Nehemiaš 2:12 - Le Devleskero Lav Andre Romaňi Čhib Slovensko 2021

¹² Paľis rači me the vajkeci murša ušťiľam, ale ňikaske na phenďom, so mange o Del thoďa pro jilo, hoj te kerav prekal o Jeruzalem. Na iľom manca ňisave džviros, ča le somaris, pre savo džavas.

Nehemiaš 2:12 Referans Kwoze

Zjaveňje 17:17

Bo o Del lenge thoďa andro jile, hoj te keren oda, so hin leskro planos, a jekhetane te den peskro kraľišagos la šelmake, medik pes na naplňinena o lava le Devleskre.

Ezdraš 7:27

Mi el barardo o RAJ, o Del amare dadengro, savo thoďa pro jilo le kraľiske, hoj kavke te del pačiv le RAJESKRE Chramos andro Jeruzalem.

2. Korinťanenge 8:16

Paľikeras le Devleske, hoj thoďa le Titoske andro jilo kajso starišagos pal tumende.

Jeremijaš 31:33

„Kada hin e zmluva, savi phandava le Izraeloskre manušenca pal kala dživesa,“ phenel o RAJ. „Thovava miro zakonos andre lende a pisinava les andre lengro jilo. Me avava lengro Del a on ena mire manuša.

Jeremijaš 32:40

Phandava lenca e večno zmluva, hoj lenge šoha na preačhava te presikavel miro lačhipen, a thovava lenge andro jile miri dar, hoj pes mandar te na visaren het.

Amos 5:13

Vašoda hino o goďaver akor čhit, bo nane lačho časos.

Kazaťeľis 3:7

časos te čhingerel a časos te sivel, časos te čhitel a časos te vakerel,

Žalmi 122:6

Modľinen tumen vaš o smirom prekal o Jeruzalem a phenen: „Bachtale ola, ko tut kamen!

Žalmi 51:18

Se tu na kames e obeta, bo me tuke anďomas; e labarďi obeta tuke nane pre dzeka.

Sudcengro 9:32

Akana dža rači peskre muršenca a garuv tut andro maľi!

Sudcengro 6:27

O Gideon iľa deše muršen peskre sluhendar a kerďa avke, sar leske phenďa o RAJ. Ale vašoda, hoj daralas le dadeskra famelijatar the le manušendar andral oda foros, na kerďa oda dživese, ale rači.

Matuš 10:16

„Me tumen bičhavav sar le bakroren maškar o vlki. Aven opatrna sar o sapa a žuže sar o holubi.

Matuš 2:14

Avke o Jozef ušťiľa, iľa peha rači le čhavores the leskra da a denašľa andro Egipt.

Micheaš 7:5

Ma pačan le susedaske, ma muken tumen pro prijaťeľis! De pozoris, so vakeres, mek the angle odi džuvľi, savi tuha pašľol.

Jozua 10:9

O Jozua džalas caľi rat andral o Gilgal a avľa pre lende akor, sar na užarenas.

Nehemiaš 2:11

Avľom andro Jeruzalem a ačhiľom ode trin dživesa.

Nehemiaš 2:13

Odi rat geľom avri prekal e Dolinakri brana ko Drakoskro prameňis dži ke Šmecengri brana a predikhavas o muri le Jeruzalemoskre. Ola muri sas rozphagerde a o brani zlabarde.

Prislovja 12:23

O goďaver na vakerel sig, so džanel, ale o jilo le dilineskro čhivkerel avri o diliňipen.