Micheaš 6:14 - Le Devleskero Lav Andre Romaňi Čhib Slovensko 2021

¹⁴ Chaha, ale na čaľoha, a furt aveha bokhalo; thoveha tuke vareso pre sera, ale na ačhela tuke oda, bo oda, so tuke kamľal te odthovel, zňičinava andro mariben.

Micheaš 6:14 Referans Kwoze

Hozeaš 4:10

Chana, ale na čaľona; kerena o lubipen, ale na ela len čhave, bo omukle le RAJES vaš o lubipen.

Haggeus 1:6

Sadzinenas but, ale skidenas frima. Chanas, ale na dočaľonas. Pijenas mol, ale na sas tumen dos. Urenas pre tumende o gada, ale na roztačonas lendar. Oda, ko peske zarodelas love, thovelas len andre chevaľi žeba.“

Izajaš 65:13

Vašoda kada phenel o RAJ, o Adonaj: „Dikh, mire služobňika chana, ale tumen avena bokhale. Dikh, mire služobňika pijena, ale tumen avena smedna. Dikh, mire služobňika radisaľona, ale tumen avena pre ladž.

3. Mojžišoskro 26:26

Sar tumenge zňičinava o skladi le chabeneskre, akor deš džuvľija pekena andre jekh bov o maro a rozďelinena tumenge les pre vaha; chana les, ale na čaľona lestar.

Haggeus 2:16

Oda, ko džalas te lel duj šel kili zrnos pal e kopa, lelas ča šel; oda, ko džalas te lel andral o sudos penda ľitri mol, lelas ča biš.

Ezechiel 5:12

Jekh treťina tire manušendar merela pro džungalo nasvaľiben andro foros, dujto treťina ela murdarďi la šabľaha pašal o foros a trito treťina rozčhivava pre savore seri a džava pal lende la šabľaha.

Jeremijaš 48:44

„Oda, ko denašela kala daratar, perela andre jama. Ko avela avri andral e jama, chudela pes andre pasca. Bo avel oda berš, hoj marava le Moab,“ phenel o RAJ.

Izajaš 30:6

O lav pal o džviri andro Negev: Prekal e phuv, kaj hin o pharipen the dar, kaj dživel o ľevos the e ľevica, e zmija the o kridlengro drakos, pro somariskro dumo ľidžan peskro barvaľipen, pro pukľi le ťavengre peskre pokladi ko narodos, so lenge na anela o lačhipen.

Izajaš 9:20

O Menaše chal le Efrajim a o Efrajim le Menaše a soduj džene džan pro Juda. Ale the andre kada savoro le RAJESKRI choľi mek na visaľol het a leskro vast hino furt nacirdlo.