Micheaš 4:6 - Le Devleskero Lav Andre Romaňi Čhib Slovensko 2021

⁶ „Andre oda džives,“ phenel o RAJ, „skidava upre olen, ko hine bange, a sthovava pale olen, ko sas avritradle, olen, kas dukhaďom.

Micheaš 4:6 Referans Kwoze

Sofonijaš 3:19

Andre oda časos marava savoren, so tut trapinenas. Zachraňinava le bangen; le zailen skidava upre. Čerinava lengri ladž pre slava a calo svetos len dela pačiv.

O Evaňjelium le Janoskro 10:16

Hin man the aver bakrore, so nane andral kadi maštalňa a the len mušinav te ľidžal. Šunena miro hangos a ela jekh stados the jekh Pasťjeris.

Izajaš 56:8

O RAJ, o Adonaj, savo skidel upre le avritradle manušen andral o Izrael, phenel: „Skidava upre mek the avre manušen paš ola manuša, so imar sas skidle upre.“

Žalmi 147:2

O RAJ pale ačhavel o Jeruzalem a skidel upre le Izraeliten, save sas zaile;

Лукастар 19:10

Bo o Čhavo le Manušeskro avľa, hoj te rodel a te spasinel oda, so sas našado.“

Micheaš 2:12

Ale me skidava upre savoren tumendar, Jakobona, skidava upre savore Izraeliten, so ačhile. Skidava len sar le bakroren andre ohrada, sar o stados, so pes pašinel; pre oda than ela pherdo manuša.

Ezechiel 36:24

Bo me tumen lava andral o narodi, skidava tumen upre andral savore phuva a anava pale andre tumari phuv.

Jeremijaš 31:8

Dikh, anava len andral e severno phuv a skidava len upre pal o agora le svetoskre. Ela maškar lende o koro the o bango, e khabňi džuvľi the odi, so užarel te ločhol; avena pale sar baro narodos.

Jeremijaš 3:18

Andre ola dživesa avena o manuša andral e Judsko ko manuša andral o Izrael a avena jekhetane pale andral e severno phuv andre odi phuv, savi diňom tumare dadenge sar o ďeďictvos.“

Žalmi 38:17

Phenďom: „Te na radisaľon mange a te na lašaren pes upral ma, sar mange poddžana o pindre.“