Matuš 7:16 - Le Devleskero Lav Andre Romaňi Čhib Slovensko 2021

¹⁶ Pal lengro ovocje len prindžarena. Či šaj andral o kraki te obkidel o hroznos, abo andral o koľaka o figi?

Matuš 7:16 Referans Kwoze

Jakob 3:12

Či šaj barol, phralale mire, pro figovňikos o olivi, vaj pro viňičis o figi? Avke the ňisavi lonďi chaňig našťi del gulo paňi.

Matuš 12:33

Te hin o stromos lačho, akor the leskro ovocje ela lačho, a te hin o stromos nalačho, akor the leskro ovocje ela nalačho. Bo o stromos pes prindžarel pal o ovocje.

Matuš 7:20

Avke len prindžarena pal lengro ovocje.

1. Samueloskro 24:13

Mi rozsudzinel o RAJ maškar mande the maškar tute a mi pomsťinel pes tuke o RAJ, vašoda nalačhipen, so mange kerďal. Ale me pre tu na thovava miro vast.

Prislovja 20:11

Imar o čhavoro peskre skutkenca sikavel, či oda, so kerel, hin lačho the čačo.

Galaťanenge 5:22

Ale o ovocje le Duchoskro hin o kamiben, o radišagos, o smirom, e trpezľivosť, o lačhipen, o lačhejileskeriben, e vernosť,

Jakob 2:18

Ale vareko phenela: „Tut hin o pačaben a man hin o skutki.“ Sikav mange tiro pačaben bi o skutki a me tuke sikavava miro pačaben andral mire skutki.