Matuš 27:22 - Le Devleskero Lav Andre Romaňi Čhib Slovensko 2021

²² A o Pilat phučľa: „A so te kerav le Ježišoha, saves vičinen Kristus?“ „Ukrižin les!“ vičinenas savoredžene.

Matuš 27:22 Referans Kwoze

Skutki 13:38

Kamav, hoj te džanen, phralale, hoj prekal leste tumenge šaj el odmukle o bini the savoro, sostar tumen našťi ospravedlňinďas o zakonos le Mojžišoskro.

Izajaš 49:7

Kada hin, so phenel o RAJ, o Vikupiťeľis, o Sveto le Izraeloskro, oleske, ko sas teledikhlo a odčhido le narodendar, oleske, ko služinel le vladarenge: „O kraľa tut dikhena a ušťena upre, o raja dikhena a banďona tele anglo RAJ, savo hino verno, anglo Sveto le Izraeloskro, savo peske tut avri kidňa.“

Marek 14:55

O bare rašaja the e caľi Bari Rada kamenas te arakhel vareso pro Ježiš, hoj les te murdaren, ale našťi arakhle.

Matuš 27:17

Sar pes o nipi zgele, phučľa lendar o Pilat: „Kas kamen, hoj tumenge te premukav: Le Barabaš, abo le Ježiš, saves vičinen Kristus?“

Matuš 1:16

a o Jakob sas dad le Jozefoske, savo sas rom la Mariake, savake uľiľa o Ježiš, saves vičinen Kristus.

Zacharijaš 11:8

Tel jekh čhon zňičinďom trine pasťjeren. Našťi lenca ľikeravas avri a the me lenge džungľuvavas.

O Job 31:31

Šoha našťi phende o manuša andral mire stani: ‚Amen na chaľam le Joboskre masestar!‘

Matuš 27:21

O Pilat lendar phučľa: „Kas kale dujendar kamen, hoj tumenge te premukav?“ „Le Barabaš!“ odphende.

Matuš 27:23

Ale ov lendar phučľa: „So ajso nalačho kerďa?“ No on mek zoraleder vičinenas: „Ukrižin les!“

O Evaňjelium le Janoskro 4:25

E džuvľi leske phenďa: „Džanav, hoj avela o Mesijašis, (savo pes vičinel Kristus). Sar ov avela, phenela amenge savoro.“

Skutki 13:28

Na arakhle pre leste ňič, vaš soske mušinďa te merel, ale on the avke mangenas le Pilat, hoj les te del te murdarel.