Matuš 26:21 - Le Devleskero Lav Andre Romaňi Čhib Slovensko 2021

²¹ Sar chanas, phenďa: „Čačipen tumenge phenav: Jekh tumendar man zradzinela.“

Matuš 26:21 Referans Kwoze

O Evaňjelium le Janoskro 13:21

Sar oda vakerelas o Ježiš, sas leske phares pro jilo a phenďa lenge phundradones: „Čačes, čačes phenav tumenge, jekh tumendar man zradzinela.“

Židenge 4:13

A nane ňič stvorimen, so uľahas garudo anglal leste. Savoro hin le Devleske phundrado a sa dičhol anglo jakha Oleske, kaske jekhvar phenaha, sar dživahas, so kerahas a soske.

Zjaveňje 2:23

Lakre čhaven marava the le meribnaha a dodžanena pes savore khangera, hoj me som oda, ko skuminel o jile the o goďa, a sakoneske tumendar počinava pal oda, so kerel.

Matuš 26:2

„Džanen, hoj mek duj džives a ela e Patraďi a o Čhavo le Manušeskro ela dino, hoj les te ukrižinen.“

Matuš 26:22

Sar oda šunde, ačhile igen smutna a phučenas lestar jekh pal aver: „Som oda me, Rajeja?“

O Evaňjelium le Janoskro 13:18

Na vakerav pal tumende savorende. Me džanav, kas mange avri kidňom, ale hoj pes te naplňinel oda, so hin pisimen: ‚Oda, ko manca chal o maro, chudňa pre ma te džal.‘

O Evaňjelium le Janoskro 13:22

Akor o učeňika chudle te dikhel jekh pre aver, bo na achaľonas, pal kaste vakerel.