Matuš 25:3 - Le Devleskero Lav Andre Romaňi Čhib Slovensko 2021

³ O diline peske ile o lampi, ale na ile peha olejos,

Matuš 25:3 Referans Kwoze

2. Timoteoske 3:5

Kerena pestar, hoj hine pačabnaskre, ale e zor le pačabnaskri zaprinena. Chraňin tut kajse manušendar.

Izajaš 58:2

Se sako džives man roden a kamen te džanel mire droma, avke sar te ulehas o narodos, so dživel spravodľivones a na omukel o zakoni le Devleskre. Mangen mandar o spravodľiva sudi, a kamen, hoj te avav pašes paš lende.

Zjaveňje 3:1

„Le aňjeloske andre khangeri Sardis pisin: Kada phenel oda, saves hin o efta duchi le Devleskre the o efta čercheňa. Džanav tire skutki, hoj tut hin nav, hoj džives, ale sal mulo.

Židenge 12:15

Dikhen mištes pre oda, hoj ňiko te na visaľol palal le Devleskra milosťatar, hoj te na barol ňisavo kirko koreňis, so anďahas pharipen a musarďahas but dženen.

Ezechiel 33:3

A sar ov dikhela, hoj o ňeprijaťeľis avel pre phuv pro mariben, akor trubinela pre truba, hoj oda te del te džanel le manušenge.

Matuš 25:1

„Akor ela o ňeboskro kraľišagos ajso, sar o deš pačivale čhaja, save peske ile o lampi a gele anglal te užarel le ternes.

Matuš 25:2

Ale pandž lendar sas diline a pandž goďaver.

Matuš 25:4

ale o goďaver peske ile o lampi the le olejoha andro cakli.

Prislovja 31:18

Džanel, hoj oda, so kerel, anel e chasna; e lampa lake na murdaľol andre dži rači.