Matuš 19:10 - Le Devleskero Lav Andre Romaňi Čhib Slovensko 2021

¹⁰ Akor leske phende leskre učeňika: „Te oda hin avke maškar o rom the maškar e romňi, akor nane mištes te lel romňa.“

Matuš 19:10 Referans Kwoze

1. Timoteoske 4:3

Kala manuša sikaven, hoj nane mištes te džal romeste, a zakazinen te chal varesave chabena, so o Del kerďa, hoj len paľikeribnaha te chan ola, ko pačan a prindžaren o čačipen.

1. Korinťanenge 7:8

Ale phenav olenge, ko nane veradune, the le vdovenge, hoj feder prekal lende ela, te ačhena korkore avke sar me.

Prislovja 21:19

Feder hin te bešel pre pušťa sar la čhibaľa romňaha, savi furt dudrinel.

Prislovja 21:9

Feder hin te bešel pro pados andro kutos sar andre jekh kher la čhibaľa romňaha.

Prislovja 18:22

Ko arakhľa lačha romňa, arakhľa o lačhipen, bo hino le RAJESKE pre dzeka.

1. Mojžišoskro 2:18

Paľis o RAJ, o Del, phenďa: „Nane mištes te dživel le manušeske korkoreske. Kerava leske pomoca, savi leske ela rovnocenno.“

Matuš 19:9

A phenav tumenge, hoj sako, ko omukela peskra romňa, te oj na kerďa lubipen, a lela peske avra romňa, kerel lubipen.“ [„Oda murš, ko peske lel ajsa, so hiňi premukľi, tiš kerel lubipen.“]

Matuš 19:11

Ov lenge phenďa: „Na savore achaľon oda lav, ale ča ola, kaske oda hin dino.