Marek 8:2 - Le Devleskero Lav Andre Romaňi Čhib Slovensko 2021

² „Pharo mange hin vaš kala manuša, bo imar trin džives hine manca a nane len so te chal.

Marek 8:2 Referans Kwoze

Matuš 9:36

Sar dikhľa o Ježiš ole nipen, igen leske sas pharo vaš lenge, hoj hine strapimen a rozmukle sar o bakrore bi o pasťjeris.

Micheaš 7:19

Tuke ela pale pharo vaš amenge, uštareha le pindrenca pre amare vini a čhiveha savore amare bini andro baro moros.

Žalmi 145:15

Savore jakha pre tu dikhen a užaren pre tu, a tu len des te chal akor, sar lenge kampel.

Žalmi 103:13

Avke sar hin le dadeske pharo vaš peskre čhave, avke hin le RAJESKE pharo vaš ola, ko les den pačiv.

Židenge 5:2

Vašoda, hoj the ov korkoro hino slabo, šaj avel kovlo andro jilo ke ola manuša, save aňi na džanen, hoj keren namištes, a bludzinen.

Židenge 4:15

Bo nane amen Nekbareder Rašaj, savo na achaľol amare slabišagenge, ale hin amen ajso, savo sas pokušimen andre savoreste avke sar amen, ale na kerďa ňisavo binos.

Лукастар 15:20

Akor ušťiľa a džalas ke peskro dad. A mek sar sas dur, dikhľa les leskro dad a avľa leske pharo vaš leske. Denašľa ke leste, obchudňa les a čumidľa les.

Лукастар 7:13

Sar la dikhľa o Raj, sas leske igen pharo vaš lake a phenďa lake: „Ma rov!“

Marek 9:22

Buterval les o nalačho duchos čhivelas andre jag abo andro paňi, hoj les te murdarel. Te šaj vareso keres, av jileskro ke amende a pomožin amenge.“

Marek 6:34

A sar avľa o Ježiš avri andral e loďka, dikhľa ode pherdo nipen a sas leske pharo vaš lenge, bo sas sar o bakrore bi o pasťjeris. A chudňa len te sikavel but veci.

Marek 5:19

Ale o Ježiš leske na domukľa a phenďa leske: „Dža khere ke tiri famelija a phen lenge avri, save bare veci tuke kerďa o Raj the savo lačhipen tuke presikaďa.“

Marek 1:41

Le Ježišoske sas pharo vaš leske, thoďa pre leste o vast, chudňa pes lestar a phenďa: „Kamav, av sasto!“

Matuš 20:34

Le Ježišoske sas pharo vaš lenge a chudňa pes lengre jakhendar. A on takoj chudle te dikhel a džanas pal leste.

Matuš 14:14

Sar avľa o Ježiš avri andral e loďka, dikhľa igen but nipen. Sas leske pharo vaš lende a sasťarďa le nasvalen, save sas maškar lende.

Žalmi 145:8

O RAJ hino jileskro the milosťivo, na choľisaľol sig a hin andre leste pherdo kamiben.

Židenge 2:17

vašoda mušinďa te ačhel manuš savoreha, hoj te avel ajso sar leskre phrala, hoj lestar te ačhel o lačhejileskro the o verno Nekbareder Rašaj anglo Del, hoj te cinel avri le manušen le binendar.

Marek 6:32

Avke gele la loďkaha varekhaj pro omuklo than, hoj te aven korkore.

Marek 8:3

Te len bičhavava khere bokhalen, odperena pal o drom, bo varesave avle dural.“

1. Kraľengro 19:6

Sar pes o Eliaš obdikhľa pašal peste, arakhľa paš o šero maro, so sas peko pre jag, the jekh džbanos paňi. Chaľa, piľa a pale zasuča.