Marek 13:15 - Le Devleskero Lav Andre Romaňi Čhib Slovensko 2021

¹⁵ Oda, ko ela pre strecha, te na avel tele, hoj peske vareso te lel andral o kher.

Marek 13:15 Referans Kwoze

Židenge 11:7

Le pačabnaha o Noach šunďa le Devles, sar leske o Del diňa te džanel oda, so pes mek dži akor šoha na dikhľa, a andre sveto dar ačhaďa o korabos, hoj te zachraňinel peskra famelija. Le pačabnaha odsudzinďa o svetos a chudňa le Devlestar o spravodľišagos, so avel prekal o pačaben.

Skutki 27:38

Sar savoredžene čaľile, chudle te čhivkerel andral e loďa avri o zrnos, hoj te ačhel e loďa lokeder.

Prislovja 22:3

O goďaver manuš dikhel o nalačhipen a garuvel pes, o nagoďaver džal dureder a doperela pre oda.

O Job 2:4

O satan odphenďa: „E cipa vaš e cipa! O manuš dela savoro, so les hin, hoj peske te zachraňinel o dživipen.

1. Mojžišoskro 19:26

Le Lotoskri romňi pes obdikhľa palal a čerinďa pes pro londo slupos.

1. Mojžišoskro 19:22

Siďar tut ode te garuvel, bo našťi kerav ňič, medik ode na dodžaha.“ Vašoda pes oda foros vičinel Coar.

Marek 13:16

Oda, ko ela pre maľa, te na visaľol pale khere vaš o gada.