Marek 1:31 - Le Devleskero Lav Andre Romaňi Čhib Slovensko 2021

³¹ Ov geľa paš late, chudňa la vastestar a pomožinďa lake te ušťel. E horučka la takoj omukľa a oj pašal lende chudňa te kerel.

Marek 1:31 Referans Kwoze

Skutki 9:41

O Peter lake podiňa o vast a pomožinďa lake te ušťel upre. Paľis vičinďa savore Devleskre manušen the le vdoven a sikaďa lenge la Tabita džidona.

Marek 5:41

Chudňa la čhajorakro vast a phenďa lake: „Talitha kumi!“ Oda pes prethovel: „Čhajorije, tuke phenav, ušťi!“

Žalmi 116:12

So me šaj dav le RAJES vaš savoro lačhipen, so mange kerďa?

Marek 15:41

Kala džuvľa phirenas pal o Ježiš a kerenas pašal leste, sar sas mek andre Galileja. Sas ode mek but aver džuvľa, save leha avle andro Jeruzalem.

Matuš 27:55

Sas ode the but džuvľa, save dikhenas dural. On džanas pal o Ježiš andral e Galileja a kerenas pašal leste.

Marek 1:30

Ode pašľolas le Šimonoskri sasuj andre horučka a takoj pal late phende le Ježišoske.

Marek 1:32

Rači, sar zageľa o kham, anenas ke leste savore nasvalen the zaphandlen le demonenca.