Лукастар 9:28 - Le Devleskero Lav Andre Romaňi Čhib Slovensko 2021

²⁸ Vaj ochto džives pal ola lava, iľa peha o Ježiš le Peter, le Jan the le Jakob a geľa pro verchos pes te modľinel.

Біблія про закарпатцько романо чіб

²⁸ Варекай толо охто дівес, сар Ісус пгендя адала лава, Ов іля ле Петрос, ле Іоанн те ле Яковс і ваздняпес ленца про партос те модліненпес.

Лукастар 9:28 Referans Kwoze

Лукастар 6:12

Andre jekh ole dživesendar pes geľa o Ježiš pro verchos te modľinel a sas ode caľi rat andre modľitba.

Žalmi 109:4

Vaš miro kamiben pre ma namištes vakeren, ale me man modľinav.

Лукастар 9:18

Sar pes o Ježiš modľinelas korkoro a sas leha the o učeňika, phučľa lendar: „So phenen o manuša pal mande? So phenen, hoj ko me som?“

Лукастар 8:51

Geľa andro kher a na domukľa ňikaske, hoj leha te džal andre, ča le Peteriske, Janoske the Jakoboske a the la čhajorakra dake the dadeske.

Marek 6:46

Sar pes lenca rozlučinďa, geľa pes te modľinel upre pro verchos.

Marek 1:35

Sig tosara, mek sar sas rat, ušťiľa a geľa pro omuklo than, kaj pes modľinelas.

Židenge 5:7

O Ježiš andre ola dživesa, sar dživelas pre phuv, le zorale hangoha the le apsenca anelas peskre modľitbi the mangipena Oleske, ko les šaj zachraňinďa le meribnastar. A sas the avrišundo vašoda, bo sas pokorno a poddino le Devleske.

2. Korinťanenge 13:1

Kada imar hin tritovar, so džav ke tumende. Hin pisimen: „Dojekh lav ačhela pro duj abo trin švedki.“

Лукастар 3:21

Akor, sar pes bolenas savore nipi, sas boldo the o Ježiš a sar pes modľinelas, jekhvareste phundriľa o ňebos

Matuš 5:1

Sar o Ježiš dikhľa, hoj avle but manuša, geľa upre pro brehos. Bešľa peske a leskre učeňika avle paš leste.

Matuš 14:23

Sar len rozmukľa, geľa pes te modľinel pro verchos ča ov korkoro. Sar zaračiľa, sas ode korkoro.

Лукастар 5:16

Ale ov džalas korkoro pre pušťa, hoj pes ode te modľinel.

O Evaňjelium le Janoskro 6:3

O Ježiš geľa upre pro verchos peskre učeňikenca a ode peske bešľa.

2. Peter 1:16

Sar tumenge vakerahas, sava zoraha avela amaro Raj o Ježiš Kristus, na ľikerahas pes pal varesave avrigondoľimen paramisa. Bo amen korkore pre peskre jakha dikhľam leskri slava.