Лукастар 6:25 - Le Devleskero Lav Andre Romaňi Čhib Slovensko 2021

²⁵ Vigos tumenge, so akana san čale, bo avena bokhale! Vigos tumenge, so akana asan, bo rovena a hikinena žaľatar!

Біблія про закарпатцько романо чіб

²⁵ Біда туменґє, чаленґє дадіве, бо тумен ейна бокгале. Біда туменґє, ко асал канакє, бо іґєн фес ровена.

Лукастар 6:25 Referans Kwoze

Izajaš 65:13

Vašoda kada phenel o RAJ, o Adonaj: „Dikh, mire služobňika chana, ale tumen avena bokhale. Dikh, mire služobňika pijena, ale tumen avena smedna. Dikh, mire služobňika radisaľona, ale tumen avena pre ladž.

Jakob 4:9

Jojčinen, roven a hikinen! Tumaro asaben pes mi visarel pro roviben a o radišagos pre žaľa.

Prislovja 14:13

Varekana o asaben garuvel e dukh, ale sar o radišagos preačhel, ačhel o pharipen.

Zjaveňje 3:17

Bo phenes: ‚Som barvalo, barvaľiľom a na kampel mange ňikas,‘ ale tu na džanes, hoj sal čoro, pro roviben, biedno, koro the lango.

1. Tesaloničanenge 5:3

Bo sar vakerena: „Smirom hin a na mušinas pes te daral,“ akor e bari bibach, avela jekhvareste pre lende, sar o dukha pre khabňi džuvľi a na denašena.

Efežanenge 5:4

Ma vakeren džungale, diline, abo nalačhe lava, ale radeder paľikeren le Devleske.

Лукастар 13:28

Ode ela o roviben a randena le dandenca andre dukh, sar dikhena le Abraham, le Izak, le Jakob the savore proroken andro kraľišagos le Devleskro a tumen avena avričhide.

Лукастар 12:20

Ale o Del leske phenďa: ‚Tu nagoďaver! Mek kadi rat tutar ela ilo tiro dživipen a oda, so tuke skidňal, kaske ačhela?‘

Лукастар 8:53

Asanďile les avri, bo džanenas, hoj muľa.

Nahum 1:10

Avena zachudle andro trňi našľona sar e mol le pijakenge; calkom zlabona sar o šuko phus.

Amos 8:10

„Visarava tumare oslavi pro pharipen a savore tumare giľa pre žaľa. Kerava kada: Urena tumen savore andro gada le gonestar a hoľinena o bala pro šere; rovena avke sar pal jekhoro čhavoro. A o koňec ole dživeseskro ela kirko.

Izajaš 28:7

A mek the o rašaj the o prorokos bludzinen le pijibnastar, hombinen pes la moľatar; poddžal lenge o pindre le pijibnastar a la moľatar na džanen, so keren, poddžal lenge o pindre le pijibnastar, hine ajse mate, hoj aňi na achaľon o viďeňje; sar den avri o rozsudkos, džal lenca andre sera.

Izajaš 9:20

O Menaše chal le Efrajim a o Efrajim le Menaše a soduj džene džan pro Juda. Ale the andre kada savoro le RAJESKRI choľi mek na visaľol het a leskro vast hino furt nacirdlo.

Izajaš 8:21

Predžana e phuv andro pharipen the andre bokh. A sar ena igen bokhale, choľisaľona a chudena te košel peskre kraľis the peskre Devles. Či dikhena upre

Kazaťeľis 7:6

O asaben le dilinengro šunďol sar o trňi tel e piri, so pukinen, sar len podlabares. The oda nane pre ňisoste.

Kazaťeľis 7:3

E žaľa hin feder sar o asaben, bo o pharipen kerel o jilo feder.

Kazaťeľis 2:2

Pal o asaben mange phenďom: „Diliňipen,“ a pal o radišagos: „So man hin olestar?“

Prislovja 30:9

hoj man te na prechav, te na zaprinav tut a te na phenav: ‚Ko hin o RAJ?‘ Abo te na ačhav čoro, hoj te na čorav a te na kerav ladž le Devleskre naveske.

Žalmi 49:19

Kajte pre peste phenel, medik dživel, hoj hino požehňimen – a o manuša les lašaren, hoj leske savoro avel avri –

1. Samueloskro 2:5

O čale peske mušinen te zarodel pro maro, ale o bokhale imar na bokhaľon. Odi džuvľi, sava na sas čhave, ločhol eftatovar, ale odi džuvľi, sava sas but čhave, šučol avri.

Лукастар 6:24

Ale vigos tumenge, barvale manušale, bo tumen imar akana iľan tumaro radišagos!

Лукастар 6:26

Vigos tumenge, te pal tumende savore nipi mištes vakerena, bo ipen avke kerenas lengre dada le falošne prorokenca!“