Лукастар 24:45 - Le Devleskero Lav Andre Romaňi Čhib Slovensko 2021

⁴⁵ Akor lenge phundraďa e goďi, hoj te achaľon o Pisišagos.

Біблія про закарпатцько романо чіб

⁴⁵ Акор Ов пгутердя ленґє е ґовді, гой те ахальон Пісаніє,

Лукастар 24:45 Referans Kwoze

Skutki 16:14

Šunelas amen the varesavi džuvľi, savake sas o nav Lidija a savi lašarelas le Devles. Oj sas andral o foros Tiatira a bikenavkerelas o lole pochtana. Lake o Raj phundraďa o jilo, hoj mištes te šunel oda, so vakerel o Pavol.

1. Jan 5:20

A džanas, hoj o Čhavo le Devleskro amen avľa te del goďi, hoj te prindžaras le čače Devles. A amen sam andro čačo Del, andre leskro Čhavo Ježiš Kristus. Ov hino o čačo Del the o večno dživipen.

Žalmi 119:18

Phundrav mange o jakha, hoj te dikhav o zazraki andre tiro sikaviben!

Skutki 26:18

hoj lenge te phundraves o jakha, hoj pes te visaren le kaľipnastar ko švetlos a le bengeskra zoratar ko Del, hoj pes lenge te odmuken o bini a te chuden o than maškar ola, so pačabnaha andre ma ačhile sveta.‘

Efežanenge 5:14

Bo andro švetlos dičhol savoro. Vašoda hin phendo: „Preker tut, tu so soves, ušťi andral o meriben a švicinela tuke o Kristus.“

Лукастар 24:32

Akor phučle jekh avrestar: „Či andre amende na labonas amare jile, sar amenca pal o drom vakerelas a delas amenge te achaľol o Pisišagos?“

2. Mojžišoskro 4:11

O RAJ leske odphenďa: „Ko kerel le manušestar ňemo abo kašuko? Ko kerel, hoj o manuš te dikhel abo te avel koro? Či oda na som me, o RAJ?

O Job 33:16

akor phundravel o kana le manušenge a daravel len avri ole vecenca, pal save lenge del te džanel.

Zjaveňje 3:7

„Le aňjeloske andre khangeri Filadelfia pisin: Kada phenel o Sveto, o Čačipnaskro, kaste hin e kleja le Davidoskri, oda, ko phundravel o vudar avke, hoj ňiko našťi phandel a phandel avke, hoj ňiko našťi phundravel: