Лукастар 24:11 - Le Devleskero Lav Andre Romaňi Čhib Slovensko 2021

¹¹ Ale lenge pes dičholas le džuvľengre lava sar diliňipen a na pačanas lenge.

Біблія про закарпатцько романо чіб

¹¹ та оне на патянділе ле ромнєнґє, ленґє дичолас, со ода чак чувче лава.

Лукастар 24:11 Referans Kwoze

Marek 16:11

A sar šunde, hoj o Ježiš dživel a hoj les dikhľa, na pačanas lake.

Лукастар 24:25

O Ježiš lenge phenďa: „Tumen nagoďaver manušale, so polokes pačan savoreske, so vakerenas o Proroka!

Žalmi 126:1

E giľi pro drom upre andro Jeruzalem. Sar o RAJ anelas pale le Sionoskre zailen, sas amenge oda sar suno.

O Job 9:16

Te vičinďomas a ov odphenďahas, na pačav, hoj man šunďahas avri.

1. Mojžišoskro 19:14

Avke o Lot geľa avri a phenďa le muršenge, save peske kamenas te lel leskre čhajen romňijenge: „Ušťen, aven avri andral kada foros, bo o RAJ les kamel te zňičinel!“ Ale on peske gondoľinenas, hoj kerel pheras.

Skutki 12:9

O Peter džalas pal leste a aňi na džanelas, hoj oda, so pes ačhel prekal o aňjelos, hin čačes. Gondoľinelas peske, hoj džal suno.

2. Kraľengro 7:2

Ale le kraľiskro nekpašeder veľiťeľis, phenďa le Elizeoske: „Kajte o RAJ phundravela o oblaki pro ňebos, kada pes našťi ačhiľahas!“ „Pre tire jakha oda dikheha, ale na chaha olestar,“ phenďa leske o Elizeus.

Marek 16:13

Avke gele pale a phende oda oklenge, ale aňi lenge na pačanďile.

Marek 16:14

Ale paľis pes sikaďa le dešujekh (11) apoštolenge, sar bešenas pašal o skamind. Pokarhinďa len vaš oda, hoj lengre jile sas zaphandle andre a na pačanďile olenge, ko les dikhle pal oda, sar ušťiľa andral o meriben.

Лукастар 24:41

A sar peske mek andre oda baro radišagos našťi dopačanas a čudaľinenas pes, phučľa lendar: „Nane tumen kade vareso te chal?“