Лукастар 12:20 - Le Devleskero Lav Andre Romaňi Čhib Slovensko 2021

²⁰ Ale o Del leske phenďa: ‚Tu nagoďaver! Mek kadi rat tutar ela ilo tiro dživipen a oda, so tuke skidňal, kaske ačhela?‘

Біблія про закарпатцько романо чіб

²⁰ Та о Дейл лескє пгендя: «Ту наґодявер! Дадіве раті залена тутар тийро джівіпе. Акор каскє ачела саворо, со ту кійсітиндял?»

Лукастар 12:20 Referans Kwoze

Jeremijaš 17:11

Oda, ko peske načačipnaha skidel o barvaľipen, hino sar e jarabica, savi bešel pro cudza jandre. Andre peskre nekfeder berša pes lestar mušinela te zdel a pro koňec pes sikavela, hoj sas dilino.“

O Job 27:8

Bo savi naďej hin le bijedevleskre manušes, sar merela? Sar lestar o Del lela o dživipen?

1. Timoteoske 6:7

Bo ňič peha pro svetos na anďam a ňič peha pal o svetos aňi našťi las,

Žalmi 39:6

Dikh, diňal man ajso cikno časos sar pre burňik a miro dživipen tuke dičhol sar ňič.“ Dojekh manuš hin ča sar balvaj, kajte sar zorales ačhel.

Jakob 4:14

Se tumen na džanen so ela tajsa tumare dživipnaha! San sar e para, so pes pro sikra sikavel a paľis našľol.

1. Tesaloničanenge 5:3

Bo sar vakerena: „Smirom hin a na mušinas pes te daral,“ akor e bari bibach, avela jekhvareste pre lende, sar o dukha pre khabňi džuvľi a na denašena.

Лукастар 11:40

Tumen nagoďaver. Či oda, ko stvorinďa o avruno, na stvorinďa the o andruno?

Žalmi 73:19

Jekhvareste ena zňičimen! Našľona, daratar merena!

Nahum 1:10

Avena zachudle andro trňi našľona sar e mol le pijakenge; calkom zlabona sar o šuko phus.

Prislovja 28:8

Ko barvaľol pro bare interesa, skidel oda oleske, kaske hin pharo vaš o čore.

Prislovja 11:4

O barvaľipen tut na zachraňinela andre oda džives, sar avela le RAJESKRI choľi, no o spravodľišagos tut lela avri andral o meriben.

Žalmi 78:30

Ale angloda, medik chale savoro, so kamenas, a mek o chaben lende sas andro muj,

Ester 5:11

Paľis pes o Haman angle lende lašarelas, savo baro hin leskro barvaľipen, keci čhave les hin, a sar les hazdňa o kraľis upre upral savore peskre anglune murša the raja.

Žalmi 49:10

hoj te dživel furt a hoj šoha te na merel.

Prislovja 10:2

O barvaľipen, so dochudes nalačhipnaha, tuke na ela pre chasna, no o spravodľišagos tut lel avri andral o meriben.

Prislovja 13:7

Vareko pestar kerel barvalo a nane les ňič; aver dženo pestar kerel čoro, ale hin les pherdo barvaľipen.

Prislovja 27:1

Ma lašar tut tajsaskre dživeseha, bo na džanes, so oda džives anela.

Izajaš 56:12

„Aven,“ phenen peske, „džav te anel mol! Mačuvaha peske le zorale pijibnastar! A tajsa ela avke sar adadžives abo mek sikra feder.“

Amos 6:13

tumen, so radisaľon, hoj domarďan o Lo-Debar, a phenen: „Či na zaiľam o Karnajim amara zoraha?“

1. Timoteoske 6:17

Le barvalenge andre kada svetos phen, hoj pes te na ľidžan upre a te na pes muken pro barvaľipen, so nane isto, ale pro džido Del, savo amen del barvales sa, so amenge kampel pro bachtalo dživipen.