Лукастар 10:11 - Le Devleskero Lav Andre Romaňi Čhib Slovensko 2021

¹¹ ‚Keras pre tumende tele mek the kada prachos, so pes amenge zachudňa pro pindre andre tumaro foros. Ale džanen, hoj o kraľišagos le Devleskro avľa ke tumende.‘

Біблія про закарпатцько романо чіб

¹¹ «Минґ о прахос тумаро фовроскєро, со захундяпес амаре піндрендар, амен разінас пре туменде. Та джянен: Краліпе Девлескєро іма пашес!»

Лукастар 10:11 Referans Kwoze

Skutki 13:51

Avke on marde tele o prachos pal peskre pindre pre lende a gele andre Ikonija.

Лукастар 10:9

Sasťaren ode le nasvalen a phenen lenge: ‚O kraľišagos le Devleskro avľa pašes ke tumende.‘

Židenge 1:3

Le Devleskri slava avel avri prekal o Čhavo a o Čhavo hino ipen ajso sar o Del. Ov savoro ľikerel peskre zorale laveha. Sar dokerďa oda, hoj obžužarďa le manušen le binendar, bešľa peske andro ňebos pal e čači sera le Nekzoraledere Devleske.

Skutki 13:46

Ale o Pavol the o Barnabaš lenge šmelones phende: „Tumenge pes mušinďa ešeb te vakerel o lav le Devleskro. Ale te les tumen na prilen a korkore tumendar odčhiven o večno dživipen, džas tumendar het ke aver narodi.

Skutki 13:40

Den pre tumende pozoris, hoj te na avel pre tumende oda, so imar anglal phende o Proroka:

Skutki 13:26

Phralale, čhave le Abrahamoskre, a the tumen manušale avre narodendar, so tumen daran le Devlestar! Tumenge hin bičhado kada lav, so tumen šaj zachraňinel.

Marek 6:11

Te tumen pre varesavo than na prilena, aňi na kamena te šunel, džan odarik het a keren tele o prachos pal o pindre pro sveďectvos pre lende. [Čačipen tumenge phenav, hoj feder ela pro sudno džives le forenge Sodoma the Gomora sar ole foroske.]“

Matuš 10:14

Te tumen na prilena a na šunena tumare lava, džan het andral oda kher abo andral oda foros a keren tele o prachos pal tumare pindre.

Rimanenge 10:21

Ale pal o Izrael phenel: „Calo džives nacirdavas mire vasta ko manuša, save na kamenas te šunel a ačhenas mange pre čhib.“

Rimanenge 10:8

Ale sar phenel? „Oda lav hino igen pašes, hino andre tiro muj the andre tiro jilo“ – oda hin oda lav pal o pačaben, so vakeras.

Ezechiel 2:5

Či tut kala zacata manuša šunena abo na, ale džanena, hoj sas maškar lende o prorokos.

Matuš 3:2

a phenelas: „Visaren tumen le binendar! Bo pašes hin le ňeboskro kraľišagos!“

Matuš 10:7

Džan a kazinen, hoj o ňeboskro kraľišagos hino pašes.

Лукастар 9:5

Andral oda foros, kaj tumen na prilena, džan het a keren tele mek the o prachos pal o pindre sar sveďectvos pre lende.“

Лукастар 10:10

Ale te džana andre varesavo foros a na prilena tumen, džan avri pre leskre uľici a phenen: