Kazaťeľis 9:6 - Le Devleskero Lav Andre Romaňi Čhib Slovensko 2021

⁶ Savoro, so kerde, medik dživenas – lengro kamiben, ňenavisť the žjarlivosť – mule jekhetane lenca. Nane len imar ňisavo kotor pre ňisoste, so pes kerel pre phuv.

Kazaťeľis 9:6 Referans Kwoze

Matuš 2:20

a phenďa leske: „Ušťi, le tuha le čhavores the leskra da a dža pale andro Izrael, bo ola, ko kamenas te murdarel le čhavores, imar mule.“

Kazaťeľis 6:12

Ko džanel, so hin lačho prekal o manuš andre leskro charno dživipen, so nane pre ňisoste a predžal sig sar o ciňos? Ko phenela le manušeske, so ačhela pre phuv pal leskro meriben?

Prislovja 10:28

E naďej le spravodľivengri anel o radišagos, no o užaripen le nalačhengro našľola.

2. Mojžišoskro 1:8

Andro Egipt paľis ačhiľa nevo kraľis, savo na džanelas ňič pal o Jozef.

Kazaťeľis 2:10

So ča peske mire jakha žadinenas, sa lenge davas, na odiľom mire jilestar ňisavo radišagos. Miro jilo radisaľolas savora mira bučatar a oda sas miro počiňiben vaš miri phari buči.

Kazaťeľis 3:22

Avke avľom pre oda, hoj nane ňič feder sar oda, hoj o manuš te radisaľol la bučatar, so kerel, bo ada hin, so les diňa o Del. Se ko les anela pale, hoj te dikhel oda, so ela pal leste?

Kazaťeľis 9:1

Gondoľinavas andro jilo pre savore kala veci a avľom pre kada: O čačipnaskre the o goďaver peskre skutkenca hine le Devleste andro vasta. O manuša na džanen, so len užarel, či o kamiben, abo e ňenavisť.

Izajaš 38:11

Phenďom: „Na dikhava le RAJES andre phuv le džidengri; imar na dikhava ňisave manušes, ňikas olendar, ko dživen pre kada svetos.