Kazaťeľis 6:12 - Le Devleskero Lav Andre Romaňi Čhib Slovensko 2021

¹² Ko džanel, so hin lačho prekal o manuš andre leskro charno dživipen, so nane pre ňisoste a predžal sig sar o ciňos? Ko phenela le manušeske, so ačhela pre phuv pal leskro meriben?

Kazaťeľis 6:12 Referans Kwoze

Jakob 4:14

Se tumen na džanen so ela tajsa tumare dživipnaha! San sar e para, so pes pro sikra sikavel a paľis našľol.

Kazaťeľis 3:22

Avke avľom pre oda, hoj nane ňič feder sar oda, hoj o manuš te radisaľol la bučatar, so kerel, bo ada hin, so les diňa o Del. Se ko les anela pale, hoj te dikhel oda, so ela pal leste?

O Job 14:2

Kvitňisaľol sar e kvitka a šučol avri, našľol sar o ciňos a na ľikerel avri.

Žalmi 144:4

O manuš hino sar e balvajori, leskre dživesa hine sar o ciňos, so našľol.

Kazaťeľis 8:13

Le nalačhenge na ela mištes a lengro dživipen predžala sig avke sar o ciňos, bo na daran pes le Devlestar.

Kazaťeľis 8:7

Ňiko na džanel, so pes ačhela, vašoda ňiko našťi phenel, sar ela.

O Job 8:9

Se amen sam ča idžeskre a na džanas ňič, bo amare dživesa pre phuv hine ča sar ciňos.

1. Kronicko 29:15

Sam cudzinci the hosci andre tire jakha, avke sar the amare phure dada. Amaro časos pre kadi phuv hino sar o ciňos, so predžal, a sig meras.

Kazaťeľis 12:13

Pro koňec savoreske, so šunďal: Dara tut le Devlestar a doľiker leskre prikazaňja, bo kada hin, so kampel sakoneske te kerel.

Kazaťeľis 9:6

Savoro, so kerde, medik dživenas – lengro kamiben, ňenavisť the žjarlivosť – mule jekhetane lenca. Nane len imar ňisavo kotor pre ňisoste, so pes kerel pre phuv.

Kazaťeľis 2:3

Skušinďom savoro a kamavas te arakhel o radišagos mire ťeloske andre mol. No diňom man te ľidžal le goďaveripnaha, bo kamavas te avel pre oda, so hin lačho le manušenge, hoj te keren andre ola frima dživesa, so dživen pre phuv.

Žalmi 109:23

Našľuvav avke sar o ciňos rači, som sar e kobilka razimen tele.

Žalmi 102:11

angle tiri bari choľi, bo tu man hazdľal a čhiďal het.

Žalmi 17:15

Ale me, RAJEJA, vašoda, hoj som čačipnaskro, dikhava tiro muj; sar uščava andral o soviben, dikhava tut muj-mujeha a radisaľuvava.

Žalmi 4:6

Anen o čače obeti le RAJESKE a pačan leske!

O Job 14:21

Te ela leskre čhaven pačiv, na dodžanela pes oda; te ena teledikhle, na džanela ňič.

Micheaš 6:8

O RAJ tuke diňa te džanel, manušeja, so hin lačho. So tutar kamel? Te keres oda, so hin spravno, te presikaves o verno kamiben a te phires andre pokora tire Devleha.

Žalmi 89:47

Mek dži kana, RAJEJA? Garuveha tut pro furt? Dži kana labola tiri choľi sar jag?

Žalmi 47:4

Le naroden del tel amari zor a avre manušen amenge thovel tel o pindre.

Žalmi 16:5

Tu, RAJEJA, sal miro ďeďictvos, tu mange keres miro drom, miro dživipen hin andre tire vasta.

Kazaťeľis 2:24

Nane ňič feder prekal o manuš sar oda, hoj te chal, te pijel a paš peskri phari buči peske te žičinel o lačhe veci. Dikhľom, hoj the oda avel le Devleskre vastestar,

Kazaťeľis 6:11

So buter vakeras, frimeder oda hin pre chasna. So hin le manušes olestar?

Kazaťeľis 7:15

Kada savoro dikhľom andre mire zbitočna dživesa: Hin lačho manuš, so merel sig, kajte hino lačho, a hin nalačho manuš, so dživel but, kajte hino nalačho.

Kazaťeľis 9:9

Radisaľuv andro dživipen tira romňaha, sava kames, andre savore dživesa, save našťi te achaľol. Bo kada radišagos hin le Devleskro daros prekal tu, medik keres e phari buči pre phuv.

Kazaťeľis 10:14

o nagoďaver vakerel buter a buter. Ňiko na džanel, so pes ačhela. Ko šaj phenel varekaske, so pes ačhela pal leste?