Kazaťeľis 10:12 - Le Devleskero Lav Andre Romaňi Čhib Slovensko 2021

¹² O lava andral o muj le goďavereskre anen leske pačiv, ale o vušta le nagoďavereskre zňičinena les korkores;

Kazaťeľis 10:12 Referans Kwoze

Kološanenge 4:6

Tumaro vakeriben mi el furt pherdo le kamibnaha, lačho sar o chaben le loneha, hoj te džanen, sar kampel sakoneske te odphenel.

Лукастар 4:22

Savoredžene les denas čačipen a čudaľinenas pes ole šukar lavenge, so avenas andral leskro muj. A phučenas: „Či nane ov le Jozefoskro čhavo?“

Prislovja 22:11

Ko kamel o žužipen andro jilo the o šukar vakeriben, ela prijaťeľis le kraľiskro.

Prislovja 15:2

O vakeriben le goďaverengro pricirdel le manušen te šunel o prindžaripen, ale le dilinengre vuštendar demel avri o diliňipen.

Efežanenge 4:29

Ňisavo džungalo lav te na avel avri andral tumaro muj, ale ča lačho lav, so zoraľarel avren avke, sar kampel a anel e milosť olenge, ko šunen.

Лукастар 19:22

O raj leske phenďa: ‚Tu nalačho sluhona! Sudzinava tut pal oda, so phenďal. Džanehas, hoj som prisno, hoj mange lav oda, so na odthoďom, a kidav upre oda, so na sadzinďom.

Matuš 12:35

O lačho manuš lel andral peskro lačho barvaľipen avri o lačhe veci, a o nalačho manuš lel andral peskro nalačho barvaľipen avri o nalačhe veci.

Prislovja 31:26

O muj phundravel goďaha a pre čhib la hin o kamibnaskro sikaviben.

Prislovja 26:9

Sar e šťamba andro vast le mate manušeske avke dičhol o goďaver lav andro muj le dilinenge.

Prislovja 19:5

Le falošne švedkos o mariben na obdžala a oda, ko rozľidžal o klamišagos, na denašela.

Prislovja 15:23

Le manušes hin radišagos, sar odphenel le lačhe laveha; savo šukar hin o lav phendo ipen akor, sar kampel!

Prislovja 12:18

Oda, ko vakerel bi e goďi, sar te džubinďahas la šabľaha, no o goďaver sasťarel peskra čhibaha.

Prislovja 10:10

Ko džmurkinel la jakhaha, anel avreske dukh, a ko vakerel o diliňipen, ela zňičimen.

Prislovja 10:8

O goďaver prilel le jileha o prikazi, no ko vakerel o diliňipen, zňičinela pes korkores.

Žalmi 140:9

RAJEJA, ma de le nalačhe manušes oda, so kamel, ma domuk, hoj pes te ačhel oda, so gondoľinel te kerel, hoj pes te na ľidžal upre.

Žalmi 64:8

Ale o Del len trafinela peskre šipenca, jekhvareste ena on korkore zraňimen.

Žalmi 37:30

O muj le čače manušeskro vakerel o goďaveripen, leskri čhib vakerel o čačipen.

O Job 16:5

Ale me tumen diňomas zor le lavenca a mire vuštenca vakerďomas, hoj tumen te šunen feder.

2. Samueloskro 1:16

Bo o David phenďa: „Tiro rat mi perel pre tiro šero! Bo korkoro tut pridžanľal, hoj murdarďal oles, kas o RAJ pomazinďa kraľiske upral o Izrael.“

Kazaťeľis 4:5

O dilino bešela leňivones le sthode vastenca a paľis merela bokhatar.

Kazaťeľis 9:17

Feder hin te šunel o lava le goďaverengre, so hine phende polokes, sar te šunel e vika le vladcaskri maškar o diline.

Kazaťeľis 12:11

O lava le goďaverengre hine sar e ostro paca, savaha pes ľidžal le biken, a o skidle privakeribena hine sar o lecegi, so hine zorales zademade andre – hine dine jekhe pasťjeristar, le Devlestar.

Kazaťeľis 5:2

So buter starišagos tut ela, buter nalačhe sune džaha; a so buter vakeres, buter nagoďaveripen pheneha.

Kazaťeľis 5:6

Kaj hin but sune, ode hin the but zbitočna lava. Vašoda dara tut le Devlestar!