Jozua 22:22 - Le Devleskero Lav Andre Romaňi Čhib Slovensko 2021

²² „O zoralo Del, o Del o RAJ! O zoralo Del, o Del o RAJ oda džanel a mi džanel the o Izrael: Te pes akana kaleha ačhavas le RAJESKE abo pes ľikeras napačivalones, mek adadžives amen tumen šaj murdaren!

Jozua 22:22 Referans Kwoze

1. Kraľengro 8:39

šun oda andral o ňebos, odmuk a pomožin lenge. Počin dojekheske pal oda, sar dživel, se tu korkoro džanes o jile savore manušengre,

5. Mojžišoskro 10:17

Se o RAJ, tumaro Del, hino RAJ pre rajende the Del pre devlende. Hino baro, zoralo the užasno, na chudel paš ňikaste buter a na del pes te prepočinel.

Žalmi 44:21

Te bisterďamas pro nav amare Devleskro a nacirdňamas o vasta ko cudzo del,

O Job 10:7

Kajte džanes, hoj na som vinnovato a hoj man ňiko našťi cirdel avri tire vastendar?

Jeremijaš 17:10

Me, o RAJ, skuminav o jile a skušinav o gondoľišagos, hoj te počinav sakoneske pal oda, sar dživelas, pal oda, savo ovocje anenas leskre skutki.

Zjaveňje 19:16

A pre leskre gada the pre leskro klubos les hin pisimen nav: O KRAĽIS LE KRAĽENGRO THE O RAJ LE RAJENGRO.

Zjaveňje 2:23

Lakre čhaven marava the le meribnaha a dodžanena pes savore khangera, hoj me som oda, ko skuminel o jile the o goďa, a sakoneske tumendar počinava pal oda, so kerel.

Židenge 4:13

A nane ňič stvorimen, so uľahas garudo anglal leste. Savoro hin le Devleske phundrado a sa dičhol anglo jakha Oleske, kaske jekhvar phenaha, sar dživahas, so kerahas a soske.

1. Timoteoske 6:16

Jekh ov, o Del, šoha na merel a bešel andro švetlos, kaj ňiko našťi džal; ňisavo manuš les šoha na dikhľa a aňi les našťi dikhel. Leske mi džal e pačiv the e večno zor! Amen.

2. Korinťanenge 11:31

O Del, o Dad le Ježišoskro Kristoskro – mi el požehňimen leskro nav pro furt – džanel, hoj na klaminav.

2. Korinťanenge 11:11

Soske? Vaš oda, hoj tumen na kamav? O Del džanel, hoj tumen kamav.

2. Korinťanenge 5:11

Amen džanas, s'oda hin te daral pes le Devlestar, a vašoda prevakeras le manušen. O Del amen prindžarel a pačav, hoj the tumen amen prindžaren andre tumare jile.

Skutki 25:11

Te kerďom vareso nalačho, vaš soske mušinav te merel, na darav man te merel. Ale te nane ňič čačo, so pre mande kala Židi vakeren, ňiko man našťi del lenge andro vasta. Mi sudzinel man o cisaris!“

Skutki 1:24

Paľis pes kavke modľinenas: „Rajeja, tu prindžares o jile savore manušengre, tu amenge sikav, saves kale dujendar tuke kidňal avri,

O Evaňjelium le Janoskro 21:17

Tritovar lestar phučľa: „Šimon, čhavo le Janoskro, rado man dikhes?“ Akor ačhiľa smutno o Peter, hoj lestar tritovar phučel: „Rado man dikhes?“ A phenďa leske: „Rajeja, tu džanes savoro! Tu džanes, hoj tut rado dikhav.“ O Ježiš leske phenďa: „Pašin mire bakroren!

Malachijaš 3:18

Akor dikhena, hoj avres kerava le čačipnaskre manušeha the le nalačhe manušeha. Avres ela oleske, ko služinel le Devleske, the oleske, ko leske na služinel.“

Micheaš 7:9

Mušinav te zľidžal le RAJESKRI choľi, bo kerďom binos angle leste. Ale paľis zaačhela vaš ma pro sudos a kerela, hoj te dochudav o čačipen. Lela man avri pro švetlos a dikhava leskro spravodľišagos.

Daniel 11:36

Oda kraľis kerela sa, so kamela, ľidžala pes upre a kerela pestar bareder sar savore devla. The pro Del le devlengro vakerela ajse veci, save našťi aňi te šunel. Sa leske avela avri mištes, medik na predžala o časos la bara choľakro, bo oda, so kamel o Del, pes mušinel te ačhel.

Daniel 2:47

O kraľis le Danieloske phenďa: „Čačes, tiro Del hino nekbareder Del, o Raj le kraľengro, oda, ko otkerel o garuďipena, bo otkerďa tuke kada garuďipen.“

Jeremijaš 12:3

No tu man prindžares, RAJEJA, dikhes man a skumines, savo man hin jilo ke tute. Ľidža len sar bakroren te murdarel a odďelin len pro murdaripen.

Žalmi 136:2

Paľikeren le Devleske upral o devla, bo leskro verno kamiben ľikerel pro furt.

Žalmi 97:7

Ladžala pes sako, ko služinel le modlenge a lašarel pes peskre devlorenca. Banďon anglal leste, savore devlale!

Žalmi 95:3

Bo o RAJ hino baro Del, baro Kraľis upral savore devla.

Žalmi 82:1

Le Asafoskro žalmos. O Del pes ačhaďa maškar o ňeboskro sudos, sudzinel maškar o „devla“:

Žalmi 37:6

Dela, hoj tiro spravodľišagos te avel avri sar o švetlos tosara, a tiro čačipen sar o kham pro dilos.

O Job 23:10

Ale ov džanel mire droma, khatar phirav; te man skušinela avri, dikhela, hoj som žužo sar o somnakaj.

1. Samueloskro 15:23

Bo e vzbura hin ajso binos sar o vražišagos a te kerel pal peskro hin ajso binos sar te lašarel le modlen. Tu tutar odčhiďal o lav le RAJESKRO, vašoda the ov tut odčhiďa, hoj imar te na aves kraľis.“

2. Mojžišoskro 18:11

Akana džanav, hoj o RAJ hino bareder, sar savore aver devla, bo ov oda kerďa, sar pes hazdenas upral tumende.“

Jozua 22:21

O kmeňi Ruben, Gad the o jepaš kmeňos Menaše odphende le izraelike vodcenge:

Žalmi 40:9

Devla miro, tiri voľa kamav igen te kerel; tiro zakonos hin andre miro jilo.“

Žalmi 50:1

Le Asafoskro žalmos. O Del, o Del o RAJ, vakerel a vičinel caľi phuv le vichodostar dži o zapados.

1. Samueloskro 2:3

Preačhen tumen te presikavel, ma vakeren avke barikanes; bo o RAJ hin o Del, savo džanel savorestar, ov sudzinel savoro, so keren o manuša.

O Job 31:22

Te oda savoro na sas avke, ta mi odperel mange miro valos a mi chučel avri miro vast andral o klubos.

Žalmi 44:22

či tu, Devla, na avľalas pre oda? Se tu džanes, so hin garudo andro jilo!