Jonaš 2:6 - Le Devleskero Lav Andre Romaňi Čhib Slovensko 2021

⁶ O paňa man zaile dži o kirlo, o moros man calkom zaučharďa andre, le moroskri čar pes mange zapačarďa pašal o šero.

Jonaš 2:6 Referans Kwoze

Žalmi 30:3

RAJEJA, Devla miro, vičinavas pre tu, hoj mange te pomožines, a sasťarďal man avri.

Žalmi 16:10

bo na mukeha miri duša pre oda than, kaj hine o mule, aňi na deha tire pačivaloneske, hoj leskro ťelos te kirňol.

Izajaš 38:17

Dikh, miri bari žaľa mange sas pro lačho. Tire kamibnaha mange zachraňinďal o dživipen le meribnastar; bo savore mire bini čhiďal pal tiro dumo.

Habakuk 3:10

a sar tut o verchi dikhen, izdran. O chmari prečhinďon a demel avri o zoralo brišind; e hlbina vičinel a hazdel upre peskre vasta.

Habakuk 3:6

Sar zaačhel, razinel le svetoha, te dikhel la jakhaha, o narodi izdran; o phurikane verchi rozperen, o večna verchi rozkrušisaľon, ale leskre hin o večna droma.

Izajaš 40:12

Ko merinďa avri savore paňa le moroskre peskra burňikaha abo ko odmerinďa calo ňebos peskre anguštenca? Ko thoďa savori phuv pro svetos andre mjerkica abo ko odvažinďa savore verchi the brehi pre vaha?

Žalmi 143:7

So neksigeder mange odphen, RAJEJA, miro duchos imar na birinel! Ma garuv mange tiro muj, hoj te na dičhuvav avri sar ola, ko džan tele andro hrobos.

Žalmi 104:8

o verchi avle avri a o paňa čuľile tele andre dolina; pre oda than, savo lenge diňal.

Žalmi 104:6

Le bare paňenca la učharďal sar le ruchoha; o paňa sas dži upral o verchi.

Žalmi 65:6

Odpheneha pre amare modľitbi le zazrakenca the le spravodľive skutkenca, Devla, amaro Spasiťeľina. O manuša pal calo svetos a the dural pašal o moros pes muken pre tute.

Žalmi 55:23

De tire pharipena le RAJESKE a ov pes pal tu starinela. Šoha na domukela, hoj pes o spravodľivo manuš te čhalavel.

Žalmi 30:9

Vičinavas pre tute, RAJEJA; Adonaj, igen tut mangavas, hoj ke ma te aves jileskro:

O Job 33:28

Cinďa miri duša avri, hoj te na džal tele andro hrobos, a miro dživipen dikhela o švetlos!‘

O Job 33:24

a hino ke leste jileskro a phenel le Devleske: ‚Zachraňin les, hoj te na džal tele andro hrobos; arakhľom oda, soha les šaj te cinel avri.‘

5. Mojžišoskro 32:22

Miri choľi rozlabola sar jag a džala tele dži pro than le mulengro; chala e phuv the lakro uľipen, zlabarela the o zakladi le verchengre.

Matuš 16:18

A me tuke phenav: Tu sal o Peter a pre kadi skala ačhavava miri cirkev a aňi o brani le pekloskre upral late na zviťazinena.

Žalmi 18:5

Zakerde man andre o lanci le meribnaskre, zaučharde man o zorale paňa.

Žalmi 116:3

Phandle man andre o puta le meribnaskre; avľa pre ma e dar le hroboskri; zaiľa man e žaľa the o pharipen.

Izajaš 38:10

Me phenďom: „Andre mire nekfeder berša mušinav te džal het andro brani le Šeoloskre; občorardo som mire okle beršendar.“

Ezechiel 26:20

akor tut lava tele jekhetane olenca, so džan andre Bari chev paš ola nipi, so dživenas varekana. Dava tuke te bešel tel e phuv maškar o phurikane zrucaňini, ole dženenca, so džan tele andre odi Bari chev, a imar na aveha pale a na zaleha tuke tiro than pre phuv maškar o džide.

Ezechiel 31:14

Oda vašoda, hoj ňisavo stromos paš o paňi te na barol igen učes a te na dodžal dži o chmari; hoj pes ňisavo stromos, savo hino mištes poľivimen, te na ľidžal upre upral aver, bo savore hine dine pro meriben dži andro nekteleder hlbini la phuvakre, maškar o manuša, so džan tele andro hrobos.‘

Žalmi 69:2

Zachraňin man, Devla, bo o paňi mange avľa upre dži e meň.