Jeremijaš 52:30 - Le Devleskero Lav Andre Romaňi Čhib Slovensko 2021

³⁰ a sar kraľinelas o Nebukadnecar bišutrito berš, zaiľa o Nebuzaradan efta šel saranda the pandž (745) manušen andral e Judsko. Savore manuša, so sas ľigende andro zajaťje andro Babilon, sas štar ezera the šov šel (4 600).

Jeremijaš 52:30 Referans Kwoze

Jeremijaš 52:15

Akor o Nebuzaradan iľa andro zajaťje varesave nekčoreder manušen, olen, so ačhile andro foros, the savore remeselňiken a the olen, ko pregele paš o babiloňiko kraľis.

Jeremijaš 6:9

Kada phenel o Nekzoraleder RAJ: „Ola, ko ačhena te dživel andro Izrael, ena sar ola hrozni, save pes džal dujtovar te skidel upre. Vašoda dža pre lende, sar te uľalas vinohradňikos, a thov tiro vast pro hrozni, so mek ačhile.“

2. Kraľengro 25:8

Pro eftato džives andro pandžto čhon, sar kraľinelas o Nebukadnecar dešueňato (19.) berš, avľa andro Jeruzalem o veľiťeľis upral o kraľiskre stražňika o Nebuzaradan, savo sas služobňikos le babiloňike kraľiskro.

2. Kraľengro 25:11

Akor o Nebuzaradan zaiľa odarik le manušen, save ačhile andro foros, olen, save pregele ko babiloňiko kraľis, the savore avre manušen.

Jeremijaš 39:9

Paľis o hlavno veľiťeľis le stražňikengro o Nebuzaradan ľigenďa andro Babilon ole manušen, so ačhile andro foros, the olen, so pregele ko Babilončana, a the okle avre manušen.

Jeremijaš 52:29

Paľis, sar imar kraľinelas o Nebukadnecar dešuochtoto (18) berš, zaiľa ochto šel the tranda the duj (832) manušen andral o Jeruzalem,