Jeremijaš 50:39 - Le Devleskero Lav Andre Romaňi Čhib Slovensko 2021

³⁹ „Vašoda ode dživena o džviri pal e pušťa le šakalenca; bešena ode o sovi. A imar šoha ode ňiko na bešela, ňisave manuša ode na dživena pal savore pokoleňja.

Jeremijaš 50:39 Referans Kwoze

Zjaveňje 18:2

A vičinďa zorale hangoha: „Peľa, peľa tele o baro Babilon! Ačhiľa lestar kher prekal o demona, o than prekal dojekh nažužo duchos, o than prekal dojekh nažužo the džungalo čiriklo, o than prekal dojekh nažužo the džungalo džviros,

Jeremijaš 25:12

Ale sar pes pherarena ola eftavardeš berša, marava le babiloňike kraľis the leskro narodos, e phuv le Babilončanengri, vaš lengro binos a kerava latar e večno pušťa,“ phenel o RAJ.

Jeremijaš 51:43

Leskre fori ačhile sar pušťa, avrišuke the zamukle; e phuv, andre savi ňiko na bešel a khatar ňiko na phirel.

Jeremijaš 51:26

Ňisavo bar tutar na lena sar hlavno bar aňi jekh bar pro zakladi. Aveha zňičimen pro furt,“ phenel o RAJ.

Izajaš 14:23

„Kerava lestar močaris the o than prekal o sovi. Zňičinava les calkom avke, sar te les šuľaďomas avri la metlaha,“ phenel o Nekzoraleder RAJ.

Jeremijaš 50:3

Se avel pre leste o narodos le severostar, savo kerela leskra phuvatar pušťa. Ňiko ode na ačhela te bešel; o manuša the o džviri andral odi phuv denašena het.“